Archive

Archive for April, 2011

Գլուխ երկրորդ կամ Իռլանդացի Նացիոնալիստը

April 8, 2011 Leave a comment

(սկիզբն այստեղ)

Մի անգամ Լիվերպուլի կայարանում,երբ սպասում էի Լոնդոնի գնացքը, մոտակա թերթի կրպակում տեսա  շապիկի վրա ձեռքի նկարով մի գիրք:Բնականաբար ես գնեցի այդ գիրքը,այն գերմանարեն էր և կոչվում էր “Die Kunst Ciromantia”(Ձեռքեր կարդալու արվեստը):Գնացքի շարժվելուն պես ես ընկղմվեցի գրքի մեջ:

Իմ կուպեի երկրորդ ուղևորը մի պարոն էր,որը նստած էր իմ դիմաց`ծածկելով իր ուսերը և դեմքի մեծ մասը թիկնոցով: Վերջացնելով գիրքը`ես այն մի կողմ դրեցի:Պարոնը, մի հայացք գցելով գրքի շապիկին,ինձ նայեց և բարեհամբույր ձևով ինձ դիմեց `ասելով.

Դուք ,կարծես թե, հավատում եք պալմիստրիային?Բավականին տարօրինակ զբաղմունք է:Չնայած մեր օրերում,երբ մարդիկ անգամ փորձում են իմաստ գտնել գանգի ձևի մեջ(Ֆրենոլոգիա),ես չեմ զարմանում,որ այդպիսի գրքերը բազմաթիվ հետևորդներ են ձեռք բերում:

Այո,-պատասխանեցի ես,-ինձ մոտ ոչ մի կասկած չի առաջացնում,որ մարդու բնավորությունը արտահայտվում է իր մարմնի ամեն մասում,բայց ամենաշատը այն արտահայտվում է ձեռքերում,որոնք հանդիսանում են ուղեղի գործիքները և կատարում են նրա ցանկությունները:

Իսկապես?,-քմծիծաղ տալով պատասխանեց անծանոթը,-Ձեր խոսքերը խելքին մոտ են հնչում,բայց արդյոք կարելի է կանխագուշակել ապագան ձեռքի գծերի միջոցով?Եթե ես հավատայի նման բաներին,ապա այդ տեսությունը ինձ ամենից շատ կգրավեր:

-Քանի որ Ձեր ապագան ստեղծվում է Ձեր անցյալի և ներկայի  կատարած քայլերի հիման վրա, և կախված է Ձեր անհատականությունից ու միայն Ձեզ հատուկ միտումներից,ապա ես միանգամայն վստահ եմ,որ ձեռքի գծերը ի զորու են ցույց տալ ապագան:Յուրաքանչյուր հաջողություն արտահայտվում է մեր ուժեղ հատկանիշների հաղթանակով թույլ կողմերի նկատմամբ,ահա թե ինչու փորձառու պալմիստը  իսկապես կարող է ուսումնասիրելով ձեռքերն ասել,թե նրա բնավորության որ գծերը առավելություն կստանան:

-Լավ,Ձեր տեսությունը ինձ հետաքրքրեց:Իսկ կարող եք ասել`բնավորության որ գծերը կհաղթեն իմ դեպքում?

Այս ասելով`նա դրեց իր ձեռքերն իմ առաջ:Ես շատ պարզ հիշում եմ այդ սլացիկ,ինտիլիգենտ ձեռքերը,քանզի գծերը ոչ միայն նշում էին նրա բնավորությունը,այլև իր մասնակցությամբ տեղի ունեցած իրադարձությունները: Ես նշեցի Գլխի գիծը և ընդգծեցի նրա երկարությունը,բացատրելով,որ այն նշանակում է մեծ կամքի ուժի և կազմակերպվածության տեր մարդու,ով մեծ ազդեցություն ունի ուրիշերի վրա: Այնուհետև մենք արձանագրեցինք խորը Ճակատագրի գիծը,որը կտրում-անցնում էր ամբողջ ձեռքով մեկ` ի նշան ուժեղ անհատականության և կարկառուն կարիերայով գործչի:Փաստորեն, Ճակատագիրը նրան մեծն առաջնորդի դեր էր հատկացրել,ով կառավարում է հետևորդների և համախոհների հսկա բանակը:

Բայց ինչու այդ գիծն այսպիսի վերջ ունի?,-անհանգստացած հարցրեց նա,-Ինչ է նշանակում այս խամրումը?

Ես ծիծաղեցի,քանզի հաստատ գիտեի,որ չնայած նրա ցուցաբերած հետաքրքրությանը,նա իմ բառերին չի հավատա:

-Գծի այդ խամրումը նշանակում է հանսգտություն և մենություն:Կարելի է ասել,Դուք կդառնաք ևս մեկ Նապոլեոն`ուղարկված Սուրբ Հեղինե կղզի:

-Բայց որն է պատճառը?,-գրգռված հարցրեց նա,-Ինչը կդառնա իմ Վաթերլոն?

Անկասկած Կինը,-պատասխանեցի ես,-Տեսեք,թե ինչպես է Սրտի գիծը կոտրում Ճակատագրի գիծը,հենց այն կետից առաջ,որից հետո այն սկսում է խամրել:

Հեռացնելով ձեռքերը սեղանի վրայից`իմ զրուցակիցը ցածր,ինքնավստահ մարդու ձայնով ծիծաղեց:Մի քանի րոպե անց մեր գնացքը մոտեցավ Էվստոնի կայարանին և մենք,վերցնելով մեր պայուսակները և ձեռնափայտերը, ուղղվեցինք դեպի կառամատույցը:Հանկարծ նա ասաց.

-Զարմանքով պետք է խոստովանեմ,որ Դուք բավականին ճիշտ նկարագրեցիք իմ կյանքը,բայց այդ կնոջ հետ կապված ձեր գիտությունը փուստ է տվել:Ահա Ձեզ եմ հանձնում իմ այցեքարտը,Դուք ինքներդ կհասկանաք,թե որքան ճիշտ էին Ձեր բառերը:Սակայն կնոջ հարցում Դուք վրիպեցիք…Իմ կյանքով ապրող մարդը կանաց համար ժամանակ չունի:

Ես նայեցի այցեքարտի վրա և կարդացի “Չարլզ Ստյուարտ Փերնըլ

Մի քանի տարի անց նրա և Օ’Շիի ապահարզանից և հետագա սննկացումից հետո ես հասկացա,թե ինչպես Սրտի գիծն ազդեց այդ ուժեղ և ազդեցիկ մարդու Ճակատագրի վրա:

(շարունակելի)

Advertisements

Գլուխ առաջին կամ Մարգարեի Ծնունդը

April 7, 2011 Leave a comment

Հայրիկիցս ժառանգել եմ նորմանդական արմատներս,իսկ մայրիկիցս`ֆրանսիական արյունը:Այնուամենայնիվ մեծանալով Իռլանդիայում ես հոգևոր սնունդ եմ  ստացել հնամենի գրքերից:Հայրիկիցս  ինձ նաև հասավ պոետական բնավորությունս,հպարտությունս և փիլիսոփայության նկատմամբ հակվածությունը:Մայրս ինձ տվեց օկուլտիզմի հանդեպ սերը և առաքինությունը,որը միշտ կմնա իմ սրտում:Այս տարoրինակ միացությունը աշխարհին տվեց մի մարդու,որի ճակատագիրն ընթացավ ամբողջովին յուրահատուկ,ոչ տրադիցիոն ուղով:

Մեր աշխարհում անգամ ամենապարզ իրադարձությունը կարող է շրջադարձային կետ հանդիսանալ մարդու ճակատագրում:Ինձ համար այդպիսի իրադարձություն հանդիսացավ անձրևոտ մի կիրակի:Մայրս ինձ ողջ առավոտ սովորեցնում էր ձեռքի ափի վրա գտնովող գծերի անունները,նա բավականին հմուտ տիրապետում էր պալմիստրիային:Այնուհետև նա ինձ մի առաջադրանք տվեց.ուսումնասիրել մեր ծառաների ձեռքերը և նրանց միջից առանձնացնել  հետքրքիր նշաններ ունեցողներին:Ես այդ ժամանակ հազիվ թե տասնմեկ տարեկան լինեի:Գնալով մոտակա գյուղը `ես հետազոտեցի բոլոր բնակիչների ձեռքերը առանց բացառության և այնքան էի տարվել դրանով,որ չնկատեցի ինչպես անցավ ամբողջ օրը: Վերջապես իմ հոգնաբեկ ծնողները երկար,տանջալից փնտրտուքներից հետո գտան ինձ:Պատանի հետազոտողին ուղեկցեցին տուն և քնելու ուղարկեցին:

Այս դեպքից հետո հայրս արգելեց ինձ զբաղվել պալմիստրիայով և ուղարկեց շատ խիստ կանոնադրությամբ վանական համալիր`մոռանալու համար իմ օկուլտիստական նկրտումները և նվիրելու ինձ Աստծո ծառայությանը:Սակայն ինձ վիճակված չէր Աստծու սպասավոր դառնալ…

Մի օր մտնելով հայրիկիս աշխատասենյակ `ես հայտնեցի,որ ուզում եմ աշխարհ տեսնել և խնդրեցի նրա օրհնությունը ու փող ճանապարհի համար:Նա ստիպված էր ինձ մտքի և գործողության ազատություն շնորհել:Մի փոքր գումարով և ծնողներիս բարեմաղթանքներով ես լքեցի կացարանս մանկության ու գնացի կյանքին ընդառաջ:Ինչ-որ մի անբացատրելի  ուժ ինձ միշտ կանչում էր Լոնդոն,ուստի ,մի կողմ թողնելով հանգիստ կյանքի դյութանքը,իմ քայլերն ինձ տարան Մառախլապատ Քաղաք,որտեղ Նորին Մեծություն Ճակատագիրն անողոք պայքար էր մղում նոր ժամանած արկածախնդիրներ դեմ:

(շարունակելի)

Աջ թե ձախ?

April 6, 2011 Leave a comment

Ամեն մի սկսնակ պալմիստ միշտ իրեն հարց է տալիս.իսկ որ ձեռքն է պետք ուսումնասիրել`աջը թե ձախը?Քննարկենք այս հարցը առավել մանրամասն:

Ընդհանրապես պետք է ուսումնասիրել երկու ձեռքերն էլ միասին` ավելի խորը հասկանալու համար մտքերը և սովորությունները,որոնք բնութագրում էին մարդուն անցյալում, և որոնց հիմքի վրա ձևավորվում է ներկան և ապագան:Համեմատելով  ձեռքերը, կարող ենք արձանագրել այն փոփոխությունները,որոնք կրել է մարդու աշխարհայացքը և մտածողությունը,որտեղից է եկել և որտեղ է շարժվում:

Պալմիստրիայում դոմինանտ ձեռքը անվանում են “ակտիվ ձեռք”:Ակտիվ ձեռքը մեծամասամբ ներկայացնում է գծերի ավելի զարգացած պատկեր,քան ոչ դոմինանտ(պասիվ) ձեռքը:Աջլիկների մոտ ակտիվ է աջ ձեռքը,իսկ պասիվ է ձախը,ձախլիկների մոտ ` հակառակը:Ակտիվ և պասիվ ձեռքերի մեջ տարբերությունը նրանում է,որ ակտիվն արտացոլում է մարդու անհատականության զարգացած և ակտուալ կողմը,իսկ պասիվը`թաքնված գործոնները:Համեմատենք սա սերմի և ծաղկի հետ:Մի ձեռքը ցույց է տալիս այն,  ինչ թաքնված է,մյուսն արտապատկերում է մակերեսի վրա եղածը:

Ակտիվ ձեռքն ասում է այն մասին,թե ինչով է մարդ  լույս աշխարհ եկել,նրա բնատուր կարողությունները,ընտանիքի ազդեցությունը անհատականության ձևավորման վրա:Ակտիվը արտապատկերում է, թե  ինչպես է մարդը վարվել եղածով.զարգացրել է իր կարողությունները,թե բարձիթողի է արել:Ձեռքը փոփոխվելու հատկություն ունի.գծերը,թումբերը,մատները,նույսնիսկ ձևը:Աջ ձեռքը ,սակայն, ավելի շատ է միտված փոփոխությունների,քան ձախը:

Դիտարկենք երկու գործնական օրինակ

Օրինակ 1

Տարիք:19

Սեռ:Արական

Ակտիվ ձեռքը:Աջ

Ինչպես տեսնում եք, այս օրինակում աջ և ձախ ձեռքերը միմյանց նման են,մարդը չի շեղվել այն ուղղուց,ինչն ի վերուստ նախատեսված էր իր համար:Հանգիստ,գործունյա մի տղա,վերլուծական մտածողությամբ և ինքնամփոփ,անխոս,աշխատասեր անհատականությամբ:

Օրինակ 2

Տարիք:25

Սեռ:Իգական

Ակտիվ ձեռքը:Աջ

Այս օրինակում պատկերը միանգամայն տարբեր է, քան նախկինում:Ձախի վրա տեսնում ենք շփվող,ինուտիվ մի աղջկա`հաճելի բնավորությամբ:Իսկ աջը ցույց է տալիս հետևյալը.թույլ անհատականությամբ,ցածր ինքնագնահատականով աղջկան,որին միշտ անհրաժեշտ է խնամող,խնամակալ:Մոր շրջազգեստի տակ մեծացած այս աղջիկը, 22-23 տարեկանում բախվելով կյանքի դժվարությունների հետ,հոսահատվում,հոսալքվում է:Անգամ մտածում է ինքնասպանության մասին,սակայն երբեք այն չի իրագործի, քանի որ այդքան համարձակություն չի ունենա:

Կիսվել` Add to FaceBookAdd to Google BookmarkAdd to Twitter

Պատմական ակնարկ

April 5, 2011 2 comments

Ինչպես արդեն կռահեցիք այս բլոգը Պալմիստրիայի մասին է: Մի գիտություն, որի ուսումնասիրության առարկան ձեռքերն են`մատները, եղունգները, ձեռքի մակերևույթի վրա գտնվող թումբերը և իհարկե գծերը:Մի քիչ խոսենք Պալմիստրիայի պատմության մասին:

Պալմիստրիայի մասին առաջին վկայությունները գտնվել են վաղ Հնդկաստանի վեդիկ տեքստերում(մ.թ.ա 1550թ.)-ինչով զբաղվում էին բրահմանները: Չինաստանում պալմիստրիան հայտնի էր անգամ մ.թ.ա 3000թ:Պալմիստրիան մինչ այժմ էլ պահպանվել է Չինաստանում և Ճապոնիայում,կիրառվում է հին ավանդույթի համաձայն:

Հին Հռոմում Պալմիստրիան հանդիսանում էր պաշտոնական պետական կրոնի մի մասը և անընդհանտ կիրառվում էր պետական պրոցեդուրաներում:Հին հույները նույնպես Պալմիստրիայի հետևորդներ էին.օրինակ բժիշկ Գալենը `փորձնական ֆիզիոլոգիայի հիմնադիրը,Հիպոկրատը`բժշկության հայրը:Արիստոտելը`բնագիտության և փիլիսոփայության հիմնադիրը իր աշակերտին `Ալեքսանդր Մեծին,նվիրեց մի գիրք Պալմիստրիայի մասին,որը,ինչպես պատմում են հին ձեռագիր մատյանները, ոսկուց էր:

Միջին դարերում գիտնականներ Յոհան վոն Հագենը և Պարացելսը լրջորեն զբաղվեցին Պալմիստրիայով և համակարգեցին մինչ այդ իրենց հայտնի տեղեկություննեըը և գիտելիքները:Հենց այդ ժամանակ մտցվեց թումբերի և մատների անվանակոչումը Հին Հռոմեական պանթեոնի աստվածների անունով `Մարս,Վեներա,Մերկուրի,Սատուրն,Լունա(Լուսին):Միջին  դարերում Պալմիստրիան շատ մեծ տարածում գտավ բոլոր Եվրոպական մայրաքաղաքներում և միաձայն ճանաչվեց բոլոր գիտնականների կողմից:

Տասնիններրորդ դարում ֆրանսիացի գիտնական դ’Արպենտյենը կատարելագործեց Պալմիստրիան`ծախսելով երկար տարիներ հազարավոր ձեռքերի ուսումնասիրության վրա:Նրա ուսումնասիրության առարկան հանդիսանում էին հիմնականում ձեռքերի երկրաչափական և ձևաբանական առանձնահատկությունները:Հեղափոխական  նշանակություն ունեցան մեկ այլ ֆրանսիացու, դ’Արպենտյենի ընկեր`Դեբարոլի աշխատությունները:Նա 1869 թվականին հայտնագործեց ձեռքերի հետքերը վերցնելու մեթոդը:Նա իր `”Ձեռքի գաղտնիքները” աշխատության մեջ արձանագրեց,որ գծերը անընդհատ փոփոխվելու միտում ունեն և փորձեց ընդհանուր գծեր գնտել Պալմիստրիայի և այլ էզոտերիկ ուսմունքների միջև:

Քսաներորդ դարը իր հետ բերեց տեխնոլոգիական զարգացում և մարդիկ պատրաստակամությամբ սկսեցին հրաժարվել անցյալի ավանդույթներից հանուն նորի:Նորը համարվեց ավելի լավը, քան հինը,որի հետևանքով Պալմիստրիան մոռացության մատնվեց կամ դարձավ զուտ զվարճանքի առարկա:Այդ ժամանակ հայտնվեց քսաներորդ դարի մեծագույ գուշակը `Կեյրոն(Կոմս Լուիս Համոն),նա համարվում էր մեծագույն և թերևս ամենահայնտի պալմիստը,ով կանխագուշակել էր Վիկտորիա թագուհու մահվան ամսաթիվը,Ռուսաստանի վերջին թագավորի դաժան ճակատագիրը,Տիտանիկ նավի կործանում և այլն:Այս ամենի մասին կարող եք կարդալ “Կեյրոյի Մեմուարները” գրքում:

Մեր օրերում գոյություն ունի Դերմատոգլիֆիկա գիտությունը,որը զբաղվում է մատնահետքերի ուսումնասիրությամբ և տալիս է դրանց կապը գենետիկական գործոնների հետ:

Կարդացեք նաև`

Ինչպես դառնալ խիրոմանտ 7 օրում.Պրակտիկ ուղեցույց

Աֆորիզմներ Պալմիստրիայի մասին

Կարմիկ Պալմիստրիա

Պատմական ակնարկ

Խիրոմանտիայի վաղ պատմություն

Խիրոմանտիան Եվրոպայում

Խիրոմանտիան Միջնադարում

Կիսվել` Add to FaceBookAdd to Google BookmarkAdd to Twitter