Հախունց Տիգրանի Բլոգը

Քադդաֆիի ձեռքերը

Advertisements



Մի քանի օր առաջ ամբողջ աշխարհն իմացավ Լիբիայի նախկին առաջնորդ Քադդաֆիի մահվան մասին : Ամբողջ բլոգորտը բուռն քննարկում է այս մարդու կյանքը,մահը և նրա սոցիալ-քաղաքական բազմամյա գործունեության դրական կամ բացասական կողմերը: Ինչևէ,համացանցում երկար փնտրտուքներից հետո ինձ հաջողվեց գտնել Քադդաֆիի ձեռքերի որակյալ լուսանկարներ,որոնք էլ կուսումնասիրենք սույն գրառման մեջ:
Ձեռքի ափը քառակուսի է,մատները երկար`կրակի տարերքի դասական օրինակ: Կրակի տարերքի մարդիկ գործունյա են,աշխատասեր,բռնկուն բնավորություն ունեն: Կարող են սիրել,փայփայել տաքացնել ինչպես կրակ,սակայն կարող են նաև այրել ու տառապանքներ պատճառել:
Աջ ձեռքի վրա առավել ակնհայտ է ճկույթը: Այն երկար և ուղիղ է,ինչն ասում է լեզվական հզոր կարողությունների մասին: Հստակ երևում է նաև Մերկուրիի գիծը,որը միանալով ճկույթի հետ,տալիս է համոզելու ունակությունը: Ինչպես արդեն նշել ենք,Մերկուրիի գիծը պատասխանատու է մարսողական պրոցեսների համար`թե ֆիզիկական,թե ինֆորմացիոն տեսանկյունից: Այս մարդը հիանալի գիտակ է իր գործի և ստեղծագործական մոտեցում է ցուցաբերում ամեն հարցում: Կյանքի և Գլխի գծերը միացյալ են հանդես գալիս,ինչը խոսում է Քադդաֆիի պահպանողական հայացքների և ավանդապաշտության մասին: Պետք է նաև հիշատակել նրա Գլխի գծի մասին,որն ընդգրկում է ամբողջ ձեռքը: Այս փաստը վկայում է Քադդաֆիի հանճարեղության,բազմակողմանի զարգացվածության և արագ որոշումներ կայացնելու ունակության մասին: Լավ արտահայտված Ճակատագրի գիծը,որն ասում է այն առաքելության մասին,որ Քադդաֆին պետք է իրագործեր այս կյանքում,և ,ըստ իս, նա հիանալիորեն է իրագործել այդ առաջադրանքը: Ճակատագրի գծից սկիզբ է առնում Ապոլոնի(Փառքի գիծը): Այս փաստը խոսում է այն մասին,որ  կարիերայում ունեցած հաջողությունները հռչակ են բերել տվյալ մարդուն: Ինչն իրականում ճիշտ է Քադդաֆիի դեպքում: Այդ կետը համապատախանում է 27-29 տարիքին: Այս տարիքում ինչպես հայտնի է Մուամար Քադդաֆին իշխանության գլուխ եկավ տապալելով Իդրիս արքային:
Ինչ վերաբերվում է առաջնորդի մահվանը,ապա ինձ ԽԻՍՏ կասկածելի է թվում այդ հանգամանքը,քանի որ բոլոր հիմնական գծերի վրա չկան որևէ բացասական նշաններ,որոնք կարող են խոսել բռնի մահվան մասին: Այսպիսի ձեռքեր ունեցող մարդիկ,սովորաբար մահանում են մեծ տարիքում…

Հ.Գ Ամերիկացիները ևս մեկ երկիր ոչնչացրեցին հանուն “լիբերալիզմի” հզոր գաղափարների իրագործման:Ցուցակում հաջորդը մեր հարևան Իրանն է:

Կարդացեք նաև`

Օսամա բեն Լադենի ձեռքերը

Արքայական ձեռքեր.Արքայազն Վիլյամ և Քեյթ Միդլթոն

Ընդհատված թռիչք…Էմի Ուայնհաուսի ձեռքերը

Գլամուր վամպիր կամ Ռոբերտ Փեթինսոնի ձեռքերը

Հետաքրքիր մասնագիտության տեր ձեռքեր

Սերիական մարդասպանի ձեռքեր

ԱՄՆ 10 նախագահների ձեռքերը

Հանճարեղ ձեռքեր. Ալբերտ Էյնշտեյն

Advertisements