Archive

Archive for the ‘Պալմիստրիա’ Category

Բորիս Նեմցովի ձեռքերը

March 8, 2015 Leave a comment

նեմցով ձեռքեր
nemcov-dzerqer
Վերջերս ողջ աշխարհը ցնցեց Ռուսաստանի ընդիմության ազդեցիկ ներկայացուցիչներից մեկի`Բորիս Նեմցովի սպանությունը: Համացանցում փնտրեցի և գտա նրա ձեռքի նկարները, ուստի շարունակելով “Հայտնի ձեռքեր” խորագրի ներքո հոդվածների ընդհանուր տրամաբանությունը, կփորձենք նրա ձեռքի միջոցով տեղեկություններ ստանալ նրա կյանքի, սովորություննեևի և ընդհանուր բնավորության մասին:
Նախ և առաջ նշենք ձեռքի առանձնահատկությունները`քառաքուսի ափ և կարճ մատներ,ինչը վկայում է, որ Նեմցովի ձեռքը պատկանում է Երկրի տարրին: Այս տիպի մարդիկ ամուր կանգնած են ոտքերի վրա: Այս տարերքը խորհրդանշում է ֆիզիկական մարմինը և մատերիան: Այսպիսի մարդու մոտ բարեկեցությունը կապված է նյութական հարստության, ֆիզիկական անվտանգության և կայունության հետ: Այսպիսի մարդիկ ձգտում են կոնկրետ, շոշափելի արդյունքների, ինչը կարելի է տեսնել, վայելել և զգալ: Այսպիսի մարդկանց համար առավել քան կիրառելի է “իմ խոսքը գործ է” ասացվածքը: Նրանք սիրում են կարգ ու կանոն ամեն ինչում,նույնիսկ մտքերում և իղձերում: Ուշադրություն դարձրեք լավ արտահայտված, երկար ճկությի վրա, ինչն առաջին հերթին խոսում ա մեծ բառապաշարի և հռետորական ձիրքի մասին:
Սրտի գիծը ուղիղ է, սկսվում է միջնամատի տակ` Սատուրնի թումբի վրա: Ահա թե ինչ է ասում ավստրալացի պալմիստ Ֆիտցհերբերտը այս նշանի մասին.

Այսպիսի Սրտի Գիծը խոսում է բարձր սեքսուալության մասին, հատկապես եթե ձեռքը մեծ և կոպիտ է:Այս դեպքում մարդու բոլոր մտքերն ուղղված են դեպի սեքսը:Այսպիսի Սրտի Գիծ հանդիպում է այն տղամարդկանց մոտ,որոնք մեծ հետաքրքրություն են ցուցաբերում դեպի ինտիմ կյանքը

Կհավելեմ նաև, որ այսպիսի Սրտի գիծը խոսում ա եսասեր և եսակենտրոն մարդու մասին, ում համար առաջնային են Կարդալ ավելին-!>

Սեզարի բթամատը

March 21, 2012 Leave a comment


Փարիզի նորաոճ թաղամասերից մեկում`Լա Դեֆանս հրապարակում կարելի է տեսնել բթամատին նվիրված յուրօրինակ կոթողը: Այս հրաշալի ստեղծագործության հեղինակը հայտնի նկարիչ,քանդակագործ Սեզարն Բալդաչինին է: Հենց նրա անունով է կոչվում ֆրանսիական հեղինակավոր կինոմրցանակաբաշխությունը`”Սեզար”:
Մեծ բթամատ” կոթողը միանգամայն Սեզարի ոճի մեջ է,ով հայտնի էր իր նորարաությամբ: 50-ական թվականներին Սեզարը ավանգարդիստ էր,զբաղվում էր մետաղով`ձուլելով միջատներ,թռչուններ և կենդանիներ: Այնուհետև նա սկսեց զբաղվել “աբստրակտ մետաղով”: Այդ զբաղմունքի գագաթնակետը դարձավ հենց բթամատի բրոնզե կոթողը: Հետաքրքիր է,այդ ժամանակ Սեզարը զբաղվում է նոր նյութերի փնտրմամբ,փորձարկում էր,հորինում: Արդյունքում,նա իր բթամատի փոքրիկ արձանը պատրաստեց սինթետիկ մազութից,մեծացրեց այն,ձուլեց մետաղից և տեղադրեց Լա Դեֆանսում: Այս 12 մետրանոց բթամատը խորհրդանշում է հաստատում կամ հիացմունք:
Սեզարի բթամատը տեղակայվել է ոչ միայն Ֆրանսիայում,այլև Ամերիկայում և Հարավային Կորեայում:

Ժիրինովսկու մատնեմատը

March 6, 2012 1 comment

Երկար մատնեմատ(Ջոնի Ֆինչեմ-”Պալմիստրիայի աննկարագրելի ուժը“) խոսում է ինքնաարտահայտման անհրաժեշտություն ունեցող,շփվող և դրամատիկ մարդու մասին: Այսպիսի մարդկանց բնորոշ է թեթևամտությունը: Նրանք իրենց լուրջ չեն ընդունում: Նրանց անհրաժեշտ է ինքնաարտահայտում,շրջապատի ուշադրությունը,արտաքին խթաններ և վառ մթնոլորտ:
Երկար մատնեմատ շատ հաճախ հանդիպում է մարդկանց մոտ,ովքեր զբաղեցնում են առաջատար դիրք ռիսկային,դժվար,”տղայական” մասնագիտություններում`հայտնի քաղաքական գործիչներ,ֆուտբոլիստներ,զինվորական հրամանատարներ,խոշոր ձեռնարկատերեր:
Երկար մատնեմատ ունեցող մարդիկ հակված են հույս դնել հաջողության վրա և վստահաբար ռիսկի են դիմում: Ուշադրության կենտրոնում միշտ գտնվող մարդիկ`շոումեններ,մարզիկներ,վաճառողներ,նկարիչներ,կարճ ասած,հանելուկային և անհասկանալի մարդիկ համարյա միշտ ունեն երկար մատնեմատ: Նրանց կյանքը ավելի շատ կարելի է հանրային համարել,քան մասնավոր: Իրենց հաջողության համար այս մարդիկ պարտական են ռիսկային ձեռնարկներին և սեփական շահերի անտեսմանը:
Շատ երկար մատնեմատ ունեցողները հասարակական ճանաչման կարիք ունեն,նրանք վարպետորեն թաքցնում են իրենց զգացմուքները,արտաքին տեսքը երբեք նման չէ ներսում ապրող մարդուն: Նրանք ի ծնե խարիզմատիկ բնույթ ունեն,սիրում են վառ աչքի զարնող հագուստ,սակայն հաճախ մակերեսային և դատարկ են : Այսպիսի մարդիկ հասակ են առնում մեծ ընտանիքներում,որտեղ նրանք ստիպված են լինում խաղալ ուրիշի դեր,որպեսզի գրավեն ծնողների ուշադրությունը:

Իսկ այժմ դիտարկենք Ժիրինովսկու մատնեմատը: Նշեմ,որ նրա կենսագրությունից հայտնի է,որ նա դաստիարակվել է մոր կողմից,ով մնացել էր միայնակ 6 երեխաների հետ հոր մահից հետո:
Ժիրինովսկու հայնտի արտահայտությունները.

*** Կինը պետք է տանը նստի,լացի,կարուձև անի և ճաշ պատրաստի: Կարդալ ավելին

Նեպտունի գիծ

January 31, 2012 Leave a comment

Ձեռքի վրա եղած ամենամիստիկ և հանելուկային գիծը`Նեպտունի գիծը,ունի մի շարք այլ անվանումներ,ինչպիսիք են “Via Laskiva”,”թույի գիծ”,”ինտենսիվության գիծ”,”Կախվածության գիծ” և այլ մի շարք անուններ և էպիտետներ: Զարմանալի չէ,քանի որ դժվար է մեկ բառով նկարագրել այն,ինչ կանգնած է այս գծի նշանակության հետևում:
Այն ամենը,ինչ մենք կարող ենք ձեռ տալ,տեսնել և ֆիքսել տարբեր ուժերի,աշխարհների,էնրգիաների հետևանք է: Մենք արդեն տեսել ենք,թե ինչպես է տարբեր աշխարների փոխազդեցությունը արտահայտվում ձեռքչ վրա:Մասնավորապես Յուպիտերն ու Սատուրնը արտահայտում են կարգ ,կանոն և գիտակցում,մինչդեր Ուրանը և Նեպտունը կառավարում են խորը,ենթագիտակցական,գաղտնի և անբացահայտ գործոնները:
Մեր օրերում այս գիծը լավ արտահայտված է առաջին հերթին այն մարդկանց մոտ,ովքեր սիրում են սուր զգացողությունները,էքստրիմը: Այս գիծն ունեցողներ շատ հաճախ հանդիպում են էքստրեմալ-մարզիկների մոտ,ծանր ռոք սիրողների,ստանդարտից դուր արարքներ կատարող մարդկանց մոտ,կծու կամ աղի ճաշատեսակներ սիրողների մոտ,շատ քաղցր կամ պինդ թեյ սիրողների մոտ: Այս բոլոր մարդկանց մոր գերակայում է սուր զգացողությունների ցանկությունը: Հենց այս տիպի մարդիկ են մարտահրավեր նետում բոլոր ընդունված նախապաշարմունքներին և կարող են հորինել տարբեր տեսակ սեքսուալ և մարմնական հաճույքներ: Ոգեշնչման անհագ ցանկությունը որոշ մարդկանց դրդում է թմրեցնող նյութերի օգտագործմանը դիմել,մյուսներին դարձնում տղանդավոր պոետ կամ երաժիշտ: Բոլոր տեսակի մոլուցքների կառավարող հենց Նեպտունի գիծն է: Եթե այդ գիծն ունեցողները իր դաստիարակության սահմաններում չի կարող օգտագործել ալկոհոլ կամ այլ թրանյութեր,ապա կարող եք ուրիշ տեսակի մոլուցքների հակումներ փնրել այդ մարդու մոտ,օրինակ,համակարգչային խաղամոլություն: Ալկոհոլիզմի,խաղամոլության կամ թմրամոլության բնույթը ինքնին նույնական են,քանի որ այդ ամենի հիմքում ընկած էիրականությունից փախչելու և ուժեղ,սուր զգացողությունների փնտրումները…
Հոդվածն ամբողջությամբ կարող եք կարդալ այստեղ(ռուսերեն)

Սրճարանում

January 26, 2012 1 comment

Ամեն անգամ սրճարան մտնելիս գիտեի,որ կյանքը լի է գույներով,նաև գիտակցում էի,որ կան մարդիկ,ում համար կյանքը սև ու սպիտակ է: Այս անգամ ևս ուրախ տրամադրությամբ մտա սրճարան: Ամեն ինչ նույնն էր,սակայն իմ սիրելի սեղանը,ուր միշտ սիրում էի նստել զբաղված էր: Այնտեղ նստած էր մի աղջիկ և ողջ մարմնով դողում էր: Հմայիչ աղջիկ էր և ուներ գեղեցիկ համարվելու համար բոլոր արժանիքները: Մոտեցա աղջկան և հարցրեցի նրա որպիսությունը,աղջիկը ցնցվեց ը միանգամից բացասական պատասխան տվեց: Ստանալով նրա թույլտվությունը ես նստեցի սեղանի մոտ`նրա դիմաց: Խնդրեցի նրան պատմել ինձ իր այդ տխուր տրամադրության պատճառները: Պարզվեց,որ համալսարանում,որտեղ սովորում է աղջիկը ,մթնոլորտը լցված է ստով և անհավատարմությամբ: Ես հասկացա,որ խնդիրն ավելի լուրջ է քան զուտ ներհամալսարանական մթնոլորտը: Խնդրեցի աղջկան պատմել ինձ իր մասին: Նա սկսեց պատմել և ես ամբողջությամբ ընկղմվեցի նրա կյանքի մեջ,կյանք,որը լի էր փորձություններով և դառնությամբ:
Ինչպես բոլորի համար,նրա համար ,ևս, կյանքն ամենադժվարն էր: Նրա մեջ զարգացած ինքնաոչնչացման ցանկությունը դրդել էր նրան ինքնասապնության: Սակայն ինքնասպանությունների 70% մարդիկ գործում են ուշադրության կենտրոնում հայտնվելու համար: Դա այնքան էլ կյանքից հեռանալու փորձ չէ,այլ բնազդային ինչ որ գործոն,որ երբեք մահով չի ավարտվում,միշտ ինչ-որ մեկը նրան փրկում է,ինչ-որ մեկը,ում հենց նա է ենթագիտակցորեն ստեղծում,ինչ-որ մեկը ,որ հայտնվում է ճիշտ ժամանակին և ճիշտ տեղում: Ժամեր անց աղջիկն արդեն հանգստացել էր,նա կիսվել էր իրեն տանջող մտատվայտանքներով, և մտքից հանել էր ևս մեկ անգամ ինքնասպանություն փորձ անելու ցանկությունը:
Հաջորդ անգամ սրճարան մտնելիս նկատեցի,որ աղջիկը թեթև ժպիտով նորից սպասում է ինձ իմ սիրելի սեղանի մոտ: Նկատելով ինձ`նա ոտքի կանգնեց և ինձ հրավիրեց սեղանի մոտ: Այն ընթացքում,երն ես սրճարան չէչ գնացել,նա ամեն օր եկել և ժամերով ինձ էր սպասել: Այս անգամ մեր զրույցն ավելի երկար տևեց: Զրույցի վերջում ես հասկացա,որ աղջկա մասին ավելին գիտեմ,քան նրա հարազատ մայրը,կամ նույնիսկ ամենամոտ ընկերուհին: Աղջիկը մանկուց անուշադրության է մատնվել և այդքան պակասող ուշադրությանը ստանալու համար նա միշտ դիմել է ոչ ադեկվատ քայլերի տանը և ինքնասպանության փորձեր է կատարել համալսարանում:
Տան միջնեկ երեխան էր,ուներ մեծ քույր և փոքր եղբայր: Աղջկա ծնունդից հետո երկար ժամանակ արու զավակ ցանկացող ծնողները շատ էին տխրել,երբ լույս աշխարհ էր եկել Անահիտը…Սակայն ծնողները որոշել էին տղա ունենալ,և մի քանի տարի անց ծնվում է Անահիտի փոքրիկ եղբայրը: Աղջկա հանդեպ եղած ամբողջ սերը բաժին էր հասել Անահիտի մեծ քրոջը,իսկ տղայի համար նախատեսված սերը ստանում էր Անահիտի փոքր եղբայրը: Միջանկյալ երեխա լինելով,Անիահիտը հայտնվել էր ստվերում`անմասն մնալով ծնողական սիրուց:
Համալսարանում Անահիտը կրկին անտեսված էր կուրսընկերուհիների և հատկապես տղաների կողմից: Ուշադրության կենտրոնում հայտնվելու համար Անահիտը թյուր տեղեկություններ էր տարածել,թե ոչ ավանդական կողմոնորոշում ունի և սիրում է կուրսեցի աղջիկներից մեկին: Նրան տրվեց այդքան բաղձալի ուշադրությունը.քայլելիս նրա վրա էին ուղղված բոլորի բացասական հայացքները: Երեք տարի անց նա զղջացել էր իր արարքի համար և ամեն պատեհ-անպատեհ առիթ օգտագործում էր ներողություն հայցելու համար այն աղջկանից,ում նա “սիրում” էր:
Մեր հաջորդ հանդիպումը արդեն սրճարանում չէր այլ մարդաշատ վայրում: Ես ու Անահիտը քայլում էին փողոցով և ,սոց.ծառայության աշխատողներ ձևանալով,կանգնեցնում էինք պատահական մարդկանց և նրանց հարցնում ,թե արդյող գոհ են կյանքից,երկրից,կենսամակարդակից: Այն օրը մենք մոտեցանք մոտ 100 անցորդի,որոնց խնդիրներն ավելի լուրջ և բարդ էին,քան Անահիտինը: Այդ ժամանակ,երբ համարյա ամեն ինչ պետք է փոխվեր դեպի դրականը,զգացի որ Անահիտի մեջ գլուխ է բարձրացնում մի եսասեր,բայց միջնույն ժամանակ թույլ ու շատ տխուր կերպար: Ես հասկացա,որ պետք է ճնշել այդ կերպարին,ես բղավեցի Անահիտի վրա և այդ կերպարն անհետացավ…
Վերջին անգամ նրան հանդիպեցի համալսարանի տարածքում,նա ինձ խնդրեց սպասել,քանի որ ցանկանում էր ինձ ծանոթացնել մի տղայի հետ: Անահիտը գնաց տղայի հետևից:
Հինգ րոպե հետո նա վերադարձավ այդ տղայի հետ,սակայն ինձ այլևս չգտավ: Վերջին անգամ հայացք գցեցի և տեսա,որ նրանք ձեռք-ձեռքի բռնած մտնում են պուրակը,քայլում և անհետանում են ծառերի ետևում:
Անահիտը գտավ իր երջանկությունը,իմ առաքելությունն ավարտված է…
Այժմ ուսումնասիրենք Անահիտի ձեռքերը և տեսնենք,թե ինչպես է արտահայտվում նրա հակասական բնավորությունը ձեռքերի վրա:

Կարդալ ավելին

Վտանգավոր բթամատ

January 18, 2012 Leave a comment

Մահականման բթամատ

Մահականման բթամատ հանցագործի ձեռքին

Մահականման բթամատը խոսում է ծայրահեղ համառություն,հակասական տրամաբանություն,սուր գռգրականություն ունեցող մարդու մասին: Այսպիսի մարդկանց մոտ հաճախ լինում են զայրույթի փոռթկումներ,հակված են բռնակալության,բռնի գործողությունների:
Մարդիկ,որոնց բթամատի վերին ֆալանգը խոշոր և գնաձև է,կոպիտ են,բռնկուն բնավորություն ունեն,հիշաչար: Շատ է լինում նեգատիվ էներգիա կուտակում նման մարդկանց մոտ,անհասկանալի,անիմաստ զայրույթ են ունենում: Կույր զայրույթի պահին ընդունակ են մի շարք  բռնի գործողությունների,այդ թվում նաև սպանության:
Եթե Դուք հայտնաբերել եք Ձեզ մոտ այսպիսի բթամատ,ապա պետք չէ վախենալ: Այպիսի մարդկանց խորհուրդ է տրվում սպորտով զբաղվել,ծախսել ներսում ծվարած այս հսկայական էներգիան,լինել համբերատար և ներողամիտ դիմացինների նկատմամբ:

Խիրոմանտիան ХХ դարում

January 15, 2012 Leave a comment


Քսաներորդ դարում մեծացավ հետաքրքրությունը խիրոմանտիայի նկատմամբ և այն բուռն զարգացում ապրեց: Թեոլոգների Մյունհենյան համաժողովուրմ որոշվում է “խիրոմանտիան” վերանվանել “խիրոլոգիա“,քանի որ հունարեն μαντεια-մանտիա բառը նշանակում է գուշակություն:”Լոգոս”(տրամաբանություն) վերջածանցը նշանակում է կարողություն,հմտություն,գիտելիքներ,ինչն ընդգծում է տվյալ ուսմունքի գիտականությունը: Ձեռքի մասին տեսությունը և դարերի ընթացքում կուտակված փորձն ու գիտելիքները դառնում են լուրջ գիտություն,որն ուսումնասիրում է ձեռքի վրա գծերի առաջացման և հետագայում դրանց ձևափոխման օրինաչափությունները կախված այս կամ այն հանգամանքերից`կենսակերպ,առողջություն,հոգեբանական վիճակ:
1900թվ ԱՄՆում լույս է տեսնում Ուիլյամ ԲենհեմիՁեռքեր կարդալու գիտական օրենքները” գիրքը,որտեղ հեղինակը միավորում է մեզ արդեն քաջ հայտնի Դեբարոլի և Դարպենտյենի աշխատությունները:
1944 թվ լույս է տեսնում խիրոլոգիական վերլուծության մասին առաջին լուրջ աշխատությունը` Յուլիուս Շպիերի Երեխաների ձեռքեր գիրքը: Հիշեցնեմ,որ ֆաշիստական Գերմանիայում`Երրորդ Ռեյխի կառավարման տարիներին, օկուլտիկ և գաղտնի գիտելիքների նկատմամբ հետաքրքրասիրությունը անչափ մեծ է եղել: Դրա մասին են վկայում այդ ժամանակ գոյություն ունեցող մի շարք  գաղտնի օկուլտիկ կազմակերպությունների`Անեբերի,Տուկկի,Վրիլի գոյությունը,որոնք ստեղծվել էին անմիջապես Հիտլերի հրամանով: Դրանք գոյություն ունեին մինչ Երրորդ Ռեյխի կառավարման ավարտը: Ըստ որոշ տեղեկությունների դրանք մինչ այժմ էլ գոյություն ունեն ընդհատակում: Նշեմ նաև,որ Ադոլֆ Հիտլերն ուներ իր անձնական աստղագուշակը,ով նաև տիրապետում էր խիրոմանտիային: Ադոլֆը ոչ-մի քայլ չէր անում,առանց վերջինիս հետ խորհրդակցության:
Կարդալ ավելին