Բորիս Նեմցովի ձեռքերը
Վերջերս ողջ աշխարհը ցնցեց Ռուսաստանի ընդիմության ազդեցիկ ներկայացուցիչներից մեկի`Բորիս Նեմցովի սպանությունը: Համացանցում փնտրեցի և գտա նրա ձեռքի նկարները, ուստի շարունակելով “Հայտնի ձեռքեր” խորագրի ներքո հոդվածների ընդհանուր տրամաբանությունը, կփորձենք նրա ձեռքի միջոցով տեղեկություններ ստանալ նրա կյանքի, սովորություննեևի և ընդհանուր բնավորության մասին:
Նախ և առաջ նշենք ձեռքի առանձնահատկությունները`քառաքուսի ափ և կարճ մատներ,ինչը վկայում է, որ Նեմցովի ձեռքը պատկանում է Երկրի տարրին: Այս տիպի մարդիկ ամուր կանգնած են ոտքերի վրա: Այս տարերքը խորհրդանշում է ֆիզիկական մարմինը և մատերիան: Այսպիսի մարդու մոտ բարեկեցությունը կապված է նյութական հարստության, ֆիզիկական անվտանգության և կայունության հետ: Այսպիսի մարդիկ ձգտում են կոնկրետ, շոշափելի արդյունքների, ինչը կարելի է տեսնել, վայելել և զգալ: Այսպիսի մարդկանց համար առավել քան կիրառելի է “իմ խոսքը գործ է” ասացվածքը: Նրանք սիրում են կարգ ու կանոն ամեն ինչում,նույնիսկ մտքերում և իղձերում: Ուշադրություն դարձրեք լավ արտահայտված, երկար ճկությի վրա, ինչն առաջին հերթին խոսում ա մեծ բառապաշարի և հռետորական ձիրքի մասին:
Սրտի գիծը ուղիղ է, սկսվում է միջնամատի տակ` Սատուրնի թումբի վրա: Ահա թե ինչ է ասում ավստրալացի պալմիստ Ֆիտցհերբերտը այս նշանի մասին.
Այսպիսի Սրտի Գիծը խոսում է բարձր սեքսուալության մասին, հատկապես եթե ձեռքը մեծ և կոպիտ է:Այս դեպքում մարդու բոլոր մտքերն ուղղված են դեպի սեքսը:Այսպիսի Սրտի Գիծ հանդիպում է այն տղամարդկանց մոտ,որոնք մեծ հետաքրքրություն են ցուցաբերում դեպի ինտիմ կյանքը
Կհավելեմ նաև, որ այսպիսի Սրտի գիծը խոսում ա եսասեր և եսակենտրոն մարդու մասին, ում համար առաջնային են իր սեռական ցանկությունների իրագործումը: Այպիսի մարդիկ կարող են լինել լավ սիրեկաններ, բայց վատ ամուսիններ, քանի որ միշտ փնտրում են նորանոր հաճույքներ, զվարճություններ և զուգընկերներ: Պետք չէ մեղադրել նման մարդկանց, այսպիսին է նրանց բնույթը: Այսպիսի մարդիկ նաև հիանալի կերպով կարողանում են թաքցնել իրենց մտքերը և հուզմունքը:
Նեմցովի ձեռքը մի շարք ընդհանրություններ ունի կորեացի վաղամեռիկ առաջնորդ Կիմ Չեն Իրի ձեռքի հետ:
Գլխի գիծը հստակ արտահայտված է և ունի որոշակի կորություն, ինչը հաճախ չես հանդիպի քաղաքական գործիչների մոտ: Նեմցովը կարող էր լավ երաժիշտ կամ նկարիչ, մի խոսքով արվեստի մարդ էր նա, լավ զարգացած արտիստիկ էությամբ: Գիծը բավականին երկար է, ահա թե ինչու էր վերջինս գտնվում ընդիմությունում, քանի որ նա ավելի շատ թեորիայի մարդ էր, այլ ոչ թե պրակտիկ գործունյա:
Կյանքի գիծը որպես այդպիսին թույլ է արտահայտված, նրան փոխարինում է Ճակատագրի գիծը, ինչը խոսում է այն մասին, որ մարդն իր կյանքի նպատակն ու առաքելությունը տեսնում էր իր կարիերայի` քաղաքականության մեջ:
Հ.Գ Եթե ցանկանում եք իմանալ Ձեր սիրելի հայտնի մարդում մասին, ապա մեկնաբանությունների բաժնում գրեք նրա անունը և հաջորդ գրառումը կլինի հենց սիրելի հայտնի մարդու մասին: