Վտանգավոր բթամատ

Մահականման բթամատ

Մահականման բթամատ հանցագործի ձեռքին

Մահականման բթամատը խոսում է ծայրահեղ համառություն,հակասական տրամաբանություն,սուր գռգրականություն ունեցող մարդու մասին: Այսպիսի մարդկանց մոտ հաճախ լինում են զայրույթի փոռթկումներ,հակված են բռնակալության,բռնի գործողությունների:
Մարդիկ,որոնց բթամատի վերին ֆալանգը խոշոր և գնաձև է,կոպիտ են,բռնկուն բնավորություն ունեն,հիշաչար: Շատ է լինում նեգատիվ էներգիա կուտակում նման մարդկանց մոտ,անհասկանալի,անիմաստ զայրույթ են ունենում: Կույր զայրույթի պահին ընդունակ են մի շարք  բռնի գործողությունների,այդ թվում նաև սպանության:
Եթե Դուք հայտնաբերել եք Ձեզ մոտ այսպիսի բթամատ,ապա պետք չէ վախենալ: Այպիսի մարդկանց խորհուրդ է տրվում սպորտով զբաղվել,ծախսել ներսում ծվարած այս հսկայական էներգիան,լինել համբերատար և ներողամիտ դիմացինների նկատմամբ:

Ճկույթը և խնդիրներ հարաբերություններում

Ինչպես արդեն ասել ենք նախորդ գրառման մեջ,ճկույթը պատասխանատու է մարդու և նրան շրջապատող մարդկանց միջև հարաբերությունների համար:Այս հոդվածում կուսումնասիրենք մի շարք հետաքրքիր խնդիրներ կապված ճկույթի հետ:Ճկույթը  պատասխանատու է նաև մարդու զգացմունքային և սեքսուալ աշհարհիի համար: Գոյություն ունեն երեք տիպի ճկույթ.

1.Կարճ ճկույթ

2.Ցածրադիր ճկույթ

3.Հեռադիր ճկույթ

Դիտարկենք այդ ճկույթների տեսակները և դրանց հետ կապված խնդիրները:

Նկ.1 Կարճ ճկույթ

1.Կարճ ճկույթ

Կարճ ճկույթ ունեցող մարդիկ բավականին հաճախ են հանդիպում:Անգամ մեծանալով նրան իրենց դեռահասների նման են պահում,դրանից մի շարք խնդիրներ են ծագում:Այդպիսի անհասությունը մի շարք արտահայտումներ կարող է ունենալ:Կարճ ճկույթով մարդիկ ավելի երիտասարդ են երևում,քան իրականում կան:Նրանք ձգտում են շատ սեռական զուգընկերներ ունենալ,սակայն նրանց անլրջությունը սիրային հարցերում անհնար է դարձնում երկար,կայուն հարաբերությունների կառուցումը:

Կարճ ճկույթներով մարդկանց խակությունը կարող է տարբեր ձևով արտահայտվել:Ամենատարածված խնդիրներից է բարդ,լարված հարաբերություններ ծնողների և երեխաների միջև:Եթե դուք ծնող եք և միշտ վիճում եք ձեր երեխաների հետ,ապա մի հայացք գցեք ձեր ճկույթին.եթե այն կարճ է,ապա պատճառը ձեր մեջ է կայանում:Հնարավոր է դուք դատարկ տեղը հուզվում եք,պետք է ավելի հանգիստ վերաբերվել առօրեական պրոբլեմներին:

Սակայն,պետք է նշեմ,որ կարճ ճկույթ ունեցող մարդիկ ունեն նաև մի շարք դրական հատկանիշներ:Նրանք միշտ կենսախինդ են,հոգով երիտասարդ,երբեք ձանձրալի չեն,միշտ գրավիչ,սրամիտ,թարմ հայացքներով կյանքի հանդեպ:

Նկ.2 Ցածրադիր ճկույթ

2.Ցածրադիր ճկույթ

Կարճ ճկույթը հեշտ է շփոթել ցածրադիր ճկույթի հետ,սակայն տվյալ երկու անոմալիաների հետ կապված խնդիրները շատ տարբեր են:Գերակշիռ դեպքերում ցուցամատի,միջնամատի և մատնեմատի հիմքերը մի գծի վրա են գտնվում,իսկ ճկույթը մի քիչ ցածր է տեղակայված ձեռքի մակերեսին:Բայց որոշ մարդկանց մոտ ճկույթն այնքան ցածր է տեղակայված,որ ծայրը չի հասնում մինչև մատնեմատի միջին ֆալանգի մեկ երրորդը:Առաջին հայացքից այդպիսի ճկույթը կարող է կարճ թվալ,բայց դա այդպես չէ:
Ճկույթի այդպիսի դասավորությունը ցույց է տալիս,որ տվյալ մարդը  մանկությունում լուրջ խնդիրներ է ունեցել ծնողներից որևէ մեկի  կամ երկուսի հետ էլ:Ծնողներից մեկի խիստ և ծանր բնավորությունը կարող է վնաս պատճառել երեխային:Հետաքրքիր է սակայն այն փաստը,որ այդպիսի երեխաները մեծանալով ամուսնանում են իրենց ծնողների նման ծանր բնավորություն ունեցող մարդկանց հետ:Երեխաները,ում ծնողները որոշակի նյարդային խանգարումներ են ունեցել,հավանական է կգնտեն նույն խանգարումներ ունեցող երկրորդ կես:

Ցածրադիր ճկույթ կանանց մոտ հանդիպում է ավելի հաճախ քան տղամարդկանց մոտ:Եթե դուք հանդիպել եք ցածրադիր ճկույթով մարդու,ապա համոզված եղեք ,որ ծնողների կամքը խորը  հետք է թողել այդ մարդկանց մեջ:Ցածրադիր ճկույթը կարող է փոխանցվել ժառանգաբար:Երեխաները աշխարհ են գալիս առանց որոշակիորեն տարբերակված ձեռքի ֆորմայի, այն ձևավորվում է մանկությունում,իսկ ծնողների ազդեցությունը հատկապես նշանակալի է հենց այդ ժամանակ:

Նկ.3 Մեծ հեռավորություն ճկույթի և մատնեմատի միջև

3.Հեռադիր ճկույթ

Դիտարկենք ճկույթի ևս մեկ  անոմալիա ,որր սակայն,ի տարբերություն մյուս երկուսի,կարող է վերանալ այդ անոմալիան ծնող խնդիրների լուծումից հետո: Մատնեմատի և ճկույթի միջև գոյություն ունի որոշակի հեռավորություն,բայց եթե այդ հեռավորությունը բավականին մեծ է,ապա այդպիսի ճկույթը կանվանենք հեռադիր: Եթե մարդն ունի հեռադիր ճկությ,ապա նրան տանջում են էմոցիոնալ կամ սեքսուալ խնդիրներ: Եթե մեծ հեռավորությունը ճկույթի և մատնեմատի միջև ակնհայտ է,ապա գործանակում ճշտորեն ախտորոշում կարելի է տալ: Բաժանում ապրած մարդկանց մոտ ճկույթը սովորաբար այդպիսի դիրք ունի,ինչպես նաև դժբախտ սիրահարների և տարբեր սեքսուալ ֆրուստրացիաներ ունեցած մարդկանց մոտ:

Երբ ընտանիքում մահանում է կինը կամ ամուսինը ,ապա էմոցիոնալ ցնցում ապրած մարդու ճկույթը դառնում է հեռադիր: Ճկույթը կարող է հեռադիր մնալ մի քանի ամիս կամ անգամ տարի`կախված էմոցիոնալ ցնցման տևողությունից տվյալ անձի մոտ:

Հեռադիր ճկույթ շատ է հանդիպում համասեռամոլների և լեսբուհիների մոտ: Համասեռամոլները շատ հաճախ են բախվում խնդիրների հետ անձնական կյանքում,որը արտապատկերվում է ճկույթի հեռադիրության տեսքով:

Վերոհիշյալ  նշաններից որևէ մեկի հայտնաբերման դեպքում,անհրաժեշտ է մանրակրկիտ ձևով ուսումնասիրել ամբողջ ձեռքը:Էմոցիոնալ խնդիրները սովորաբար կոմպլեքս ձևով են արտահայտվում,և կարող են ընդգրկել ոչ միայն մարդու կյանքի ինտիմ կողմը:Ինչևէ,զինվելով այս հոդվածում ստացած գիտելիքներով,դուք կարող եք օգնել մարդկան,ում ճկույթներն ունեն տվյալ անոմալիաները:

Հատված Էնդրյու Ֆիտցհերբերտի “Պալմիստրիա” գրքից

Կիսվել

Ճկույթ.Տեսակներն ու նշանակությունը

Պալմիստրիայում ճկույթը կոչվում է Մերկուրիի մատ:Մերկուրին,ըստ դիցաբանության,հանդիսանում է աստվածների թևավոր պատվիրակը,հռետորների և առևտրականների հովանավորը:Մերկուրիի մատը ցույց է տալիս,թե ինչպես է մարդը շփվում,մարդու և նրա շրջակա մարդկանց փոխհարաբերությունները,մարդու և հասարակության  կապը,սոցիալական շրջանակում նրա դերը:

Նկ. 1 Ճկույթ

Եթե ճկույթն անցնում է մատնեմատի վերին հոդից,ապա այն համարվում է երկար: Երկար ճկույթով  մարդիկ ունեն շատ լավ խոսք,հարուստ բարապաշար,ինտելիգենտ,շփվող ու կարդացած են(Նկ.1 գ):Գերազանց տիրապետում են լեզվին,ճարտախոսությանը:Բոլոր հռետորները ունեն շատ երկար ճկույթ,նրանք կարող են ներազդել ժողովրդական զանգվածների վրա,օգտագործելով ամենաուժեղ զենքը`խոսքը:Երկար ճկույթ ունեցող մարդիկ շատ հաճախ օժտված են գրական տաղանդով:Շատ երկար ճկույթ է ունեցել հայտի գրող և երգիծաբան Մարկ Տվենը,որի ձեռքը կարող եք տեսնել այստեղ:

Եթե ճկույթը չի անցնում մատնեմատի միջին ֆալանգի կեսից,ապա այն համարվում է կարճ:Կարճ ճկույթ ունեցող մարդիկ չեն կարողանում արտահայտել իրենց մտքերն ու զգացմունքները,շատ դժվար են վստահում մարդկանց,հեշտ են ընկնում ազդեցության տակ,հանգիստ,ինքնամփոփ և ամաչկոտ են իրենց բնույթով(Նկ.1 ա):

Եթե ճկույթն անցնում է մատնեմատի միջին ֆալանգի կեսից,ապա այն համարվում է միջին:Միջին երկարության ճկույթ ունեցող մարդիկ կարողանում են արտահայտել իրենց զգացմունքները,ունեն իրենց ընկերների շրջանակը,միջին բառապաշար,սակայն նախանձելի լեզվական կարողություններով աչքի չեն ընկնում(Նկ.1 բ):

Նկ.2 Թեքված ճկույթ

Ճկույթն ուսումնասիրելիս,դուք կարող եք հանդիպել դեպի մատնեմատ թեքված ճկույթի:Այսպիսի ճկույթը շատ տարածված է ,և օժտում է տիրոջը մի շարք հատկանիշներով:Այսպիսի մարդիկ խորամանկ,ճարպիկ և հնարամիտ են:Նրանք լավ առևտրականներեն,քանի որ շատ լավ կարող են համոզ հաճախորդին գնել իրենց ապրանքը:Ֆինանսական դրամաշորթներն ունեն այսպիսի ճկույթ:Սակայն, արդարության դեմ չմեղանչելու համար,պետք է նշել նաև,որ այսպիսի ճկույթ ունեցող մարդը բարի,կարեկից և հասնող է: Կարող է լուծել ուրիշի խնդիրները:

Չնայած ճկույթը ամենակարճ մատն է,սակայն այն շատ մեծ ինֆորմացի է կրում իր մեջ:Այն կարող է բացահայտել մի շարք խնդիրներ,որոնց մասին կխոսենք հետագա գրառումներում:

Ճկույթի հետ կապված խնդիրների մասին մանրամասն կարող եք կարդալ այստեղ:

Կիսվել  

Մատնեմատ.Տեսակներն ու նշանակությունը

Պալմիստրիայում մատնեմատը կոչվում է Ապոլոնի(Արևի) մատ:Հիշենք,որ ըստ դիցաբանության,Ապոլոնը հանդիսանում էր արվեստի,նորարության և գեղեցիկի աստվածը,ուստի մատնեմատը պատասխանատու է ստեղծարարության,արվեստի,գեղեցիկի հանդեպ սիրո,ինքնաարտահայտման համար:Եթե մատնեմատի երկարությունը հավասար է ցուցամատի  երկարությանը և անցնում է միջնամատի վերին ֆալանգի կեսից,ապա այդպիսի մատնեմատի երկարությունը միջին է:

Միջին երկարության մատնեմատ ունեցող մարդիկ սիրում են գեղեցիկը,չափի մեջ արտիստիկ են:Սիրում են ինքնաարտահայտվել յուրօրինակ լինելու միջոցով:Դա կարող է լինել հագուստ,ոճ,մտածելակերպ կամ կենսակերպ:

Եթե միջնամատն ավելի երկար է քան ցուցամատը և անցնում է միջնամատի վերին ֆալանգի կեսից,ապա այն համարվում է երկար: Երկար մատնեմատ ունեցող մարդիկ օժտված են արվեստի բնագավառում,նրանք կարող են լինել դերասաններ,նկարիչներ,երաժիշտներ և այլն:Նրանք սիրում են լինել ուշադրության կենտրոնում,ձգտում են փառքի: Սակայն երկար մատնեմատով մարդիկ ունեն մեկ թուլություն`ռիսկը:Նրանք սիրում են ռիսկի դիմել.այդ զգացողությունը նրանց ապրեցնում է,տալիս անասելի զգացմունքներ,վառ գույներ է ներմուծում իրենց կյանքը:Երկար մատնեմատը նաև ցույց է տալիս օրգանիզմում տեստոստերոն հորմոնի մեծ քանակությունը(մանրամասնել):

Եթե միջնամատն ավելի կարճ է քան ցուցամատը և չի հասնում մինչև  միջնամատի վերին ֆալանգի կեսը,ապա այն համարվում է կարճ: Կարճ մատնեմատ ունեցող մարդիկ ամաչկոտ են, ցածր ինքնասիրություն ունեն,հակված են դեպի պրակտիկ մասնագիտությունները:

Ինչպես միջնամատի դեպքում,այնպես էլ մատնեմատի ուսումնասիրության համար կարևոր է թեքվածությունը:

1.Մատնեմատը թեքված է դեպի ճկույթը

1.Մատնեմատը թեքված է դեպի ճկույթը.

Մարդ թերագնահատում է իր ստեղծագործական ունակությունները:Չի գնահատում իր ստեղծած արժեքները,միշտ քննադատում է ինքն իրեն,ձգտում կատարելության:Միշտ ավելին է պահանջում ինքն իրենից:

2.Մատնեմատը թեքված է դեպի միջնամատը

2.Մատնեմատը թեքված է դեպի միջնամատը

Մարդ իդեալականացնում է իրեն շրջապատողներին:Նրանց մեջ տեսնում է միայն դրական կողմերը,գերագնահատում է նրանց հնարավորություններն ու մարդկային նկարագիրը:

Կիսվել

Միջնամատ.Տեսակներն ու նշանակությունը

Ինչպես արդեն գիտենք,Պալմիստրիայում միջնամատը կոչվում է Սատուրնի մատ:Միջնամատը շատ դեպքերում հանդիսանում է ամենաերկար մատը:Հազվադեպ է պատահում,երբ ցուցամատը կամ մատնեմատը գերազանցեն միջնամատին:Միջնամատը պատասխանատու է լրջության,մելամաղձության,միայնակության և ինքնամփոփության համար:Պարզելու համար միջնամատի երկարությունը,անհրաժեշտ է.

1.Կպցնել մատներն իրար

2.Համեմատել միջնամատի և ցուցամատի(մատնեմատի) երկարությունները

Եթե միջնամատը մոտավորապես կես ֆալանգի չափ երկար է քան ցուցամատը(մատնեմատը),ապա նրա երկարությունը միջին է համարվում:Մյուս բոլոր դեպքերում միջնամատը կլինի երկար կամ կարճ:

Միջին երկարության միջնամատ ունեցող մարդիկ ողջամիտ են,պատասխանատվության զգացում ունեն իրենց արարքների նկատմամբ:

Կարճ միջնամատ ունեցող մարդիկ անպատասխանատու են,պարտքի զգացում չունեն,անլուրջ են հարաբերություններում,աններդաշնակ են աշխարհի հետ,մանկամիտ են լինում հաճախ:Չեն գիտակցում իրենց տեղը հասարակությունում,ասոցիալ վարք են ցուցաբերում:

Երկար միջնամատ ունեցող մարդիկ վարում են փակ և խստակյաց ապրելակերպ:Վատատես և չափազանց սկեպտիկ են:Հավատում են Ճակատագրին,որ ամեն ինչ արդեն կանխորոշված է իրենց համար,հուսահատ են:

Միջնամատը ուսումնասիրելիս իմաստ ունի խոսել միջնամատի թեքվածության մասին,քանի որ այն շատ կարևոր նշանակություն ունի: Միջնամատը կարող է թեքված լինել դեպի մատնեմատը կամ ցուցամատը:

Նկ.1 Միջնամատը թեքված է դեպի ցուցամատը

1.Միջնամատը թեքված է դեպի ցուցամատը

Եթե միջնամատը թեքված է դեպի ցուցամատը(Նկ.1),ապա անձնավորությունն ունի ընկերակցության կարիք,ցանկանում է ընտանիք ստեղծել,լուրջ է,զսպում է իր էմոցիաները:Նա ցածր ինքնագնահատական ունի,չի հավատում իր ուժերին:Եթե նրանց չօգնեն և քաջալերեն ընկերները,ապա թերարժեքության բարդույթ կարող է ձևավորվել այսպիսի մարդկանց մոտ:

Նկ.2 Միջնամատը թեքված է դեպի մատնեմատը

2.Միջնամատը թեքված է դեպի մատնեմատը

Եթե միջնամատը թեքված է դեպի ցուցամատը(Նկ.2), ապա այսպիսի անձնավորությունը չի  կարողանում արտահայտել իր զգացմունքները,հակված է միայնակության հարաբերություններում:Սիրում է թողնել զգացմունքներն իր մեջ,չի պատմում ոչինչ իր կյանքից անգամ մտերիմներին և ընկերներին,փակվում է ինքն իր մեջ:

Կիսվել

Ցուցամատ.Տեսակներն ու նշանակությունը

Ինչպես արդեն խոսել ենք այս հոդվածում,Պալմիստրիայում ցուցամատը անվանում են Յուպիտերի մատ:Ցուցամատը պատասխանում է  հպարտության,լիդերության,ինքնագնահատականի,հավակնությունների  համար,կառավարելու ձգտման և պատասխանատվության համար:Ընդհանրապես ցուցամատը պետք է հասնի մատնեմատի առաջին ֆալանգի  կեսի և երկու երրորդի միջև:Նրա երկարությունը պետք է հավասար լինի մատնեմատի երկարությանը(Նկ.1):

Նկ.1 Միջին երկարության ցուցամատ

Այսպիսի մարդը հավասարակշռված է:Իրատեսորեն է  գնահատում կյանքը,իրադրությունը:Նա ոչ շատ եսասեր ու հավակնոտ է,ոչ էլ ամաչկոտ և անվստահ:Նա ի զորու է օգնել մյուսներին,հասկանալ նրանց:Ինքնուրույն որոշումներ է կայացնում,սակայն պատրաստ է համագործակցել  ուրիշների հետ ի բարորություն ընդհանուր նպատակների:

Նկ.2 Երկար ցուցամատ

Եթե ցուցամատն ավելի երկար է քան մատնեմատը և անցնում է միջնամատի առաջին ֆալանգի երկու երրորդից,ապա այն համարվում է երկար(Նկ.2): Երկար ցուցամատով մարդն օժտված է բարձր ինքնագնահատականով,հպարտությամբ,ծնված է կառավարելու,հրամայելու համար:Նա սիրում է գերիշխող լինել ամեն իրադրությունում,միշտ ձգտում է իր ետևից տանել ամբոխը,լինել նրանց լիդերն ու ուղղորդողը:Սովորաբար երկար ցուցամատ ունեն քահանաները և քաղաքական գործիչները:Մարդիկ,որոնք հանդիսանում են օրենքի մարմնացումը և իրականացնում են ինչ-որ առաքելություն:Շատ երկար ցուցամատ է ունեցել մեծն առաջնորդ,զորավար և կայսր Նապոլեոն Բոնապարտը:Ասում են,նրա ցուցամատը հավասար է եղել միջնամատին:

Նկ.3 Կարճ ցուցամատ

Եթե ցուցամատն ավելի կարճ է քան մատնեմատը և չի հասնտում անգամ միջնամատի առաջին ֆալանգի երկու երրորդին,ապա այն համարվում է կարճ(Նկ. 3): Կարճ ցուցամատ ունեցող մարդիկ հնազանդ,զիջող,անվստահ,ցածր ինքնագնահատական ունեն,չեն հավատում իրենց ուժերին,միշտ ինչ-որ մեկի կարիքն ունեն,ով հենարան կհանդիսանա իրենց համար:Հստակ չեն պատկերացնում իրենց նպատակն ու առաքելությունը կյանքում: Նրանց ինքնագնահատականը մեծապես կախված է ուրիշներից,չեն հանդուրժում քննադատությունն իրենց հասցեին:Նրանց հեշտ է կառավարել և բանեցնել:

Կիսվել

Բթամատ.Տեսակներն ու նշանակությունը

Բթամատի ուսումնասիրությունը մեծ տեղ է գրավում Պալմիստրիայում: Հնդկական Պալմիստրիան մասնավորապես հիմնած է բթամատի հետազոտության վրա:Մարդն, ինչպես գիտենք, կանգնած է էվոլյուցիոն սանդղակի վերին աստիճանի վրա,դա մեծապես ի շնորհիվ մարդու լավ դիֆերենցված և զարգացած բթամատի:Բթամատը խորհրդանշում է մարդու անհատականությունը,յուրօրինակությունն ու անկրկնելիությունը:Ինչպես յուրաքանչյուր մարդ ունի իր յուրահատուկ ժառանգական ինֆորմացիան կրող ԴՆԹ կոդը,նույն ձևով յուրաքանչյուր մարդ օժտված է իրեն հատուկ բթամատով:Այս հոդվածում կուսումնասիրենք բութ մատի տեսակներն ու առանձնահատկությունները,իսկ բթամատի գծերի մասին կխոսենք մեկ ուրիշ հոդվածում:

1.Բթամատի երկարությունը

Նկ.1 Բթամատի երկարությունը

Ինչքան ավելի երկար է բթամատը,այնքան ավելի զգալի հաջողության կարող է հասնել մարդը:Նկ. 1(3) ում պատկերված է երկար բթամատ:Այսպիսի բթամատ ունեցեղ մարդիկ պատրաստ են ստանձնել առանջնորդի դերը ցանկացած իրավիճակում,քանզի նրանք  ունեն մեծ կամքի ուժ,խելացի ու վճռական են:

Կարճ բթամատ ( Նկ. 1(1) ) ունեցող մարդկանց մոտ բացակայում է կամքի ուժը,նրանք հաճախ կարող են համառ լինել,սակայն անհիմն և անիմաստ:

Միջին երկարության բթամատ ( Նկ. 1(2) ) ունեցող մարդիկ   ինքնուրույն են: Առողջ դատելու կարողություն և զգալի կամքի ուժ ունեն:

2.Բթամատի ֆալանգները

Նկ.2 Բթամատի ֆալանգներ

Բթամատի առաջին ֆալանգը (Նկ.2(1) ),որի վրա աճում է եղունգը,ցույց է տալիս   մարդու կամքը,իսկ երկրորդը( Նկ.2(2) )` տրամաբանությունը:Երբ ֆալանգները հավասար են,ապա մարդ հավասարապես օժտված է կամքով և տրամաբանությամբ:Նա կարող է լավ միտք ծնել,և ունի անհրաժեշտ կամք այդ միտքը կյանքի կոչելու համար:

Եթե առաջին ֆալանգն ավելի երկար է քան երկրորդը, դա ցույց է տալիս կամքի ուժի գերակայությունը տրամաբանության նկատմամբ:Այսպիսի մարդիկ շատ մեծ կամքի ուժ ունեն,աննկուն ու նպատակասլաց են:Նրանք պատրաստ են քրտնաջան աշխատել,գիշերները չքնել,գերմարդկային ճիգեր գործադրել իրենց նպատակին  հասնելու համար:

Մարդկանց մեծամասնության մոտ երկրորդ ֆալանգն ավելի երկար է քան առաջինը,դա ցույց է տալիս տրամաբանության գերակայությունը կամքի նկատմամբ:Այսպիսի մարդը շատ  մտքեր և պլաններ ունի,սակայն չի կարող իր մեջ ուժ գտնել իրականացնելու դրանք:Նա մտածում է,մտածում,մտածում….ու էլի մտածում: Նա ունի ամեն ինչ,բացի կամքից և մոտիվացիայից:

3.Բթամատի անկյունը

Նկ. 3 Բթամատի անկյունը

Հաճակ բթամատը 45 աստիճանի անկյուն է կազմում ցուցամատի հետ: Դա նշանակում է,որ մարդ շփվող է, բարի,կարեկից և առատաձեռն:Բթամատի և ցուցամատի անկյունը երբեմն նաև կոչում են “առատաձեռնության անկյուն”:

Եթե այդ անկյունը 45 աստիճանից փոքր է,ապա մարդ եսասեր է,դաժան,ինքնահավան և անգութ:

Իսկ եթե այդ անկյան արժեքը 45ից մեծ է,ապա մարդ շատ բաց է,առույգ,բարեսիրտ,օժտված է կողակիցներին գրավելու հատկությամբ և դրական էներգիայով:

4.Գործնականության անկյունը

Նկ.4 Գործնականության անկյուն

Այս անկյունը բթամատի և ափի միացման անկյունն է,այլ կերպ ասած, բթամատի և ափի միացման ոսկորի մեծությունը(Նկ.4): Որքան ավելի մեծ է այդ ոսկորը,հետևաբար նաև անկյունը,այդքան ավելի պրակտիկ է մարդը:Ասպիսի մարդկանց անվանում են “ոսկե ձեռքեր” ունեցող վարպետներ:Այսպիսի անկյուն կարելի է տեսնել ատաղծագործների,քարտաշների,ոսկերիչների և ուրիշ այն մասնագիտության տեր մարդկանց մոտ,որոնց գործունեությունն անմիջապես կապված է ձեռքի աշխատանքի հետ:Մեծ ոսկոր ունենում են նաև նկարիչները և քանդակագործները:

Հատված Ռիչարդ Վեբստերի “Ձեռքեր կարդալու ուղեցույց” գրքից

Կիսվել

Ցուցամատ և մատնեմատ.Դրանց երկարություների հարաբերությունը

Ուսումնասիրությունները ցույց են տալիս,որ հղիության ժամանակ տեստոստերոն հորմոնը մեծ ազդեցություն է ունենում պտղի մարմնի և ուղեղի զարգացման վրա: Տեստոստերոնի քանակությունը արյան մեջ որոշվում է 2D:4D կոչվող մեծությամբ,որն իրենից ներկայացնում է երկրորդ(ցուցամատ) և չորրորդ(մատնեմատ) մատների երկարությունների հարաբերությունը: Տղամարդիկ սովորաբար ունեն ավելի երկար մատնեմատ քան ցուցամատ,ուստի 2D:4D փոքր է 1ից,իսկ կանայք `1ից մեծ:

Հաշվելու համար 2D:4D մեծությունը պետք է.

1.Ակտիվ ձեռքի  մատները սեղմել իրար:

2.Քանոնի օգնությամբ  հիմքից սկսած հաշվել ցուցամատի և մատնեմատի երկարությունները ու գրանցել արդյունքները:

3.Երբ արդեն գրանցել եք չափումների արդյունքները,բաժանեք ցուցամատի երկարությունը մատնեմատի երկարության վրա:

Օրինակ

Բազմաթիվ հետազոտություններ ցույց են տվել 2D:4D մեծության կապը տարբեր ֆիզիկական և վարքագծային գործոնների հետ: Այդ մասին կխոսենք հաջորդ գրառումներում:

Մատնեմատի երկարության և տղամադու անհավատարմության կապի մասին կարող եք կարդալ այստեղ :

Կիսվել

Մատներ.Դասակարգումն ու նշանակությունը

1.Բթամատ

Պալմիստրիայում բթամատը կոչվում է Վեներայի մատ,ով, ըստ հռոմեական դիցաբանության, հանդիսանում է մայրության,պտղաբերության,փարթամության և կենսածաղկման աստվածուհին: Այս մատը պատասխանատու է կամքի ուժի,տրամաբանության,խարիզմայի,ակտիվության համար:

2.Ցուցամատ

Պալմիստրիայում ցուցամատը կոչվում է Յուպիտերի մատ,ով, ըստ հռոմեական դիցաբանության, հանդիսանում է երկնքի և կայծակի աստվածը,բոլոր աստվածների հայրը:Այս մատը պատասխանատու է հպարտության,ինքնավստահության,ինքնագնահատականի,լիդերության համար:

3.Միջնամատ

Պալմիստրիայում միջնամատը կոչվում է Սատուրնի մատ,ով ,ըստ հռոմեական դիցաբանության, հանդիսանում է երկրաշարժի և ժամանակի աստվածը,Յուպիտերի հայրը:Այս մատը պատասխանատու է լրջության,իմաստության,մտածողության,կարիերայի  համար:

4.Մատնեմատ

Պալմիստրիայում մատնեմատը կոչվում է Ապոլոնի մատ,ով,ըստ, հռոմեական դիցաբանության, հանդիսանում է արևի ու լույսի,արվեստի ու գիտության,նորարության և բացահայտումների աստվածը:Այս մատը պատասխանատու է օժտվածության,տաղանդի,ձիրքի,ընտանիքի համար:

5.Ճկույթ

Պալմիտրիայում ճկույթը կոչվում է Մերկուրիի մատ,ով,ըստ հռոմեական դիցաբանության,հանդիսանում է առևտրի,շահույթի,խելամտության,ճարպկության,գողության,ճարտարախոսության աստվածը:Այս մատը պատասխանատու է խոսքի,ինքնաարտահայտման,ճկունության ու ճարպկության համար:

Մատները մեծ նշանակություն ունեն պալմիստրիայում:Ըստ օկուլտիկ պատկերացումների կենսական իմպուլսը կամ էներգիան,օրգանիզմ է մտնում մատների միջոցով,ուստի շատ կարևոր է մատների ուսումնասիրությունը: Մատը բաժանվում է երեք ֆալանգների:Վերին ֆալանգը պատասխանատու է մտածելակերպի և ոգեղենության համար,միջինը  `գործնականության և պրագմատիկության,իսկ ստորինը `նյութապաշտության և հաջույքների համար:

Պալմիստրիայում ուսումնասիրում է նաև մատների երկարությունը,թեքվածությունը,գույնը,հաստությունը,հոդերը և եղունգերը:Այս բոլոր առանձնահատկությունները կուսումնասիրենք հետագայում ամեն մատի համար առանձին-առանձին :

Կիսվել