Ինչպես գումար վաստակել ԱփՎորքով. Պրակտիկ ուղեցույց. Մաս չորրորդ

Անցյալ երեք գրառումներում խոսեցին, թե ինչ է իրենից ներկայացնում ԱփՎորքը, դրական և բացասական կողմերի մասին: Սույն գրառման մեջ կշարունակենք թեման և առավել խորությամբ կանդրադառնանք <<ներքին>> հարցերին:

Ինչպես գումար ստանալ ԱփՎորքից

Այս հարցը ԱՄԵՆԱՇԱՏՆ է հետաքրքրում բոլոր մարդկանց՝ անկախ սեռից, տարիքից և մասնագիտությունից: Շատերը դեռևս կայքում չգրանցված ու մեկ դոլլար անգամ շվաստակած միանգամից այդ մասին են մտածում: Տարօրինակ է բայց փաստ:

Գումարն ԱփՎորքից հանելու համար անհրաժեշտ է օգտվել այսպես կոչված Փոխանցման Համակարգերից, որոնք տվյալ դեպքում 5 են ինչպես երևում է նկարից:

Ինչպես գումար վաստակել ԱփՎորքով. Պրակտիկ ուղեցույց. Մաս երրորդ

Անցյալ երկու գրառումներում խոսեցին, թե ինչ է իրենից ներկայացնում ԱփՎորքը, դրական և բացասական կողմերի մասին: Սույն գրառման մեջ կշարունակենք թեման և առավել խորությամբ կանդրադառնանք <<ներքին>> հարցերին:

Որ պրոյեկտներին Չարժե դիմել

Քանի որ մենք ունենք միավորների(կոնեկտների) սահմանափակ քանակություն՝ 60, ընդ որում դիմելիս միանգամից կորցնում ենք 2 միավոր, ուստի կարող են դիմել ընդհամենը 30 գործի կամ պրոյեկտի: Պետք է ընտրել այն պրոյեկտները, որոնք խելքին մոտ գումար կբերեն ու կլինեն իրականացնելի քո կողմից:

ՈՉ ՄԻ դեպքում պետք չի դիմել հետևյալ պրոյեկտներին

Ինչպես գումար վաստակել ԱփՎորքով. Պրակտիկ ուղեցույց. Մաս երկրորդ

Անցյալ գրառման մեջ խոսեցին, թե ինչ է իրենից ներկայացնում ԱփՎորքը, դրական և բացասական կողմերի մասին: Սույն գրառման մեջ կշարունակենք թեման և առավել խորությամբ կանդրադառնանք <<ներքին>> հարցերին:

Ինչպես քեզ ներկայացնես կամ <<վաճառես>> ԱփՎորքում

Ֆրիլանսի աշխարհում յուրաքանչյուր մասնագետ հենց ինքն իր ընկերության վաճառքի գծով տնօրենն է(Sales Manager): Առաջինն անհրաժեշտ է ստեղծել որակյալ և ընթեռնելի պրոֆիլ, ինչը լավագույնս արտացոլում է քո ունակություններն ու հմտությունները: Հաջորդ քայլը առաջարկներ ուղարկելն է(bid): Կլիենտ գտնելուց հետո արդեն պետք է անմիջապես կապ հաստատել վերջինիս հետ և հասկանալ թե ինչ է պահանջվում: Եթե առաջարկը պարզ է, օրինակ, պատվիրատուն ցանկանում է պարզ կայք-այցեքարտ ներկայացնելու համար  գործունեությունը, ապա կարող եք նույնիսկ նրա հետ ձայնային կապով(voice call) չանել: Սակայն եթե պրոյեկտը

Ինչպես գումար վաստակել ԱփՎորքով. Պրակտիկ ուղեցույց. Մաս առաջին

Վերջին մի քանի տարիների ընթացքում Հայաստան մուտք գործեց և լայնորեն տարածվեց ՏԱՆԻՑ գործ անելու թրենդը: Լայն տարածում գտան մի շարք կայքեր կամ պլատֆորմաներ, որոնք մարդկանց հնարավորություն են տալիս աշխատել առանց տանից դուրս գալու, ասել է թե ինքդ քեզ համար ու միայն քեզ համար: Այս և հետագա հոդվածներում կխոսենք այդ կայքերից ամենամեծի` ԱփՎորքի մասին:

Ինչ է Ափվորքը

ԱփՎորքը միջազգային աշխատաշուկա  է հեռակա աշխատանքի(հետագայում ֆրիլանսի) համար: Ամբողջովին և միայն անգլերենով գրված և նախագծված: Այնտեղ շատ հարուստ և ապահովված երկրների ու աշխարհամասերի ընկերություններ կամ անհատներ փնտրում են ֆրիլանսերներ իրենց անհրաժեշտ ծառայությունները ստանալու համար:
ԱփՎորքից բացի կան մի շարք այլ նմանատիպ կայքեր,

Անգլերենի ԱՆՎՃԱՐ դասեր Պերիսկոպում

Վերջերս ընկերներիցս շատերը խոսում և պատմում էին ինձ մի հրաշալի Պերիսկոպ անունով ափի(ձեռքի հետ կապ չունի) մասին, որի միջոցով յուրաքանչյուր ոք կարող է կապ հաստատել աշխարհի հետ և ցույց տա, թե ինչպիսին է աշխարհն իր պատուհանից: Անմիջապես ներբեռնեցի այն և սկսեցի ուսումնասիրել: Նշեմ որ ափը հնարավորություն է ընձեռում դիտել աշխարհի քարտեզը, քաղաքները և ընտրել տվյալ վայրերում գտնվող մարդկանց հեռարձակումները(broadcasts): Նշեմ նաև, որ տվյալ ուղիղ եթերում գտնվող հեռարձակումները նշված են կարմիր, իսկ նախկինում հեռարձակված և համակարգում գրանցված գրառումները կապույտ գույնով: Ամրագրենք նաև, որ համակարգը պահում է միայն վերջին 24 ժամվա ընթացքում արված գրառումները:

Ինչևէ, քարտեզն ուսումնասիրելով եկա հասա մեր շատ սիրելի Հայաստան, ու այդտեղ մի հետաքրքիր ու հիշատակման արժանի երևույթներ նկատեցի: Մասնավորապես, սեփական գիտելիքներով ու փորձով կիսվելու համար ստեղծված այս ափը, մեր սիրելի հայրենակիցները, մեծապես՝ դեռահասները(14-19) օգտագործում են զվարճանքի համար: Տղեքն իրանց 80-րդ լևելի Պիկապ մասծեռների տեղ դրած փորձում են որսալ և գրավել աղջիկների սրտերը: Եվ այդ ամբողջ տեսարանին մի քանի րոպե ականատես լինելուց հետո կարելի է հիշել Ժան Պոլ Սարտրի բավականին հայտնի ստեղծագործություններից մեկը:

Որոշ ժամանակ մտածելուց հետո, որոշեցի ես էլ միանալ այս օրեցօր աճող և զարգացող համայնքին՝ հանդես գալով սեփական նախաձեռնությամբ, այն է՝ դասավանդել Անգլերեն Պերիսկոպի միջոցով:
Դասերն անցկացվում են յուրաքանչյուր աշխատանքային օր Երևանի ժամանակով 22:30-ին: Սիրով հրավիրում եմ անգլերեն սովորել ցանկացող բոլոր մարդկանց մասնակցելու ԱՆՎՃԱՐ դասերին և սովորել նոր բառեր, արտահայտություններ, թևավոր խոսքեր և իհարկե քերականություն: Սեղմեք այստեղ  դասերը դիտելու համար համակարգչից: Իսկ եթե ցանկանում եք դասերի մասնակից դառնալ Ձեր սմարթ-ֆոնից ապա ներբեռնեք Պերիսկոպը և պարզապես փնտրեք “hakhunts” և հետևեք(follow), որպեսզի ստանաք դասերի մասին հիշեցումներ(notifications):

Ցինիզմը և դրա օգտակարությունն առօրյա կյանքում

Գոյություն ունի այպիսի անդուր, վատ, նեգատիվ ու շատ փիս բառ՝ ցինիզմ: Մարդկային արժեքների և բարոյականության  ապականում և այլն: Ահա թե  ինչ են ասում գուգլը, վիկիպեդիան և այլ բացատրական բառարաններ և ալտերնատիվ իմաստասիրության աղբյուրները:

Ի դեպ,  հայերեն վիպիկեդիայում նայեցի, ցինիզմ բառը թարգմանված չէր, հուսով եմ մեր հայկական վիկիդարանի խոնարհ սիրահարները մի օր էտ էլ կթարգմանեն (հիմա կարդացողս մտածում ա՝հենա վերցրա դու թարգմանի, ինչ ես սպասում ուրիշն անի):

Cynicism is an attitude or state of mind characterized by a general distrust of others’ motives believing that humans are selfish by nature, ruled by emotion, and heavily influenced by the same primitive instincts that helped humans survive in the wild before agriculture and civilization became established.

 (Լավ է  գոնե անգլերենով սահմանում կա վիկիպեՁիկում)

Այսինքն ցինիկ մարդը հասկանում է, որ մարդկանց մեծամասնությունը ինքնասիրահարված, էմոցիոնալ ու անուղեղ էակներ են, որոնք առաջնորդվում են հիմնականում բնազդներով: Ծանոթ ընկերներիցս շատերը ինձ ցինիկ են համարում: Թող այդպես լինի: Սակայն, ես պնդում եմ, որ ցինիզմի որոշակի քանակություն ոչ միայն օգտակար է, այլև անհրաժեշտ է մեր օրերում: Սույն հոդվածում ես կբացատրեմ, թե ինչու և ինչպես:

Ինչպես զբաղվել ինքնազարգացմամբ. Պրակտիկ ուղեցույց:

Եթե Դու լրջորեն ցանկանում ես զբաղվել ինքնազարգացմամբ, ապա ամենագլխավոր հարցերից մեկը պետք է լինի ներդրումը ինքդ քո մեջ, այլ կերպ ասած աշխատանքը ինքդ քո վրա: Իսկ ինչի վրա աշխատել և ինչպես, կխոսվի այս հոդվածի համատեքստում:
Զարգանալ կարելի է և անհրաժեշտ է տարբեր ուղղություններով: Քո նպատակներից կախված, Դու պետք է ընտրես առաջնային ուղղություններ և դրանց առավել շատ ժամանակ հատկացնես:
Կա մի քանի գերակա ուղղություն, որոնք առաջնային են տվյալ դեպքում.

1. ֆիզիկական առողջություն,
2. հոգեկան առողջություն,
3. արտաքին տեսք,
4. ձիրքեր և ունակություններ:

1. Առողջություն (ֆիզիկական)
Առանց առողջության ոչ մի բանի չես հասնի: Սակայն դրա մասին ոչ ոք չի մտածում, մինչև (հայավարի) դանակը չհասնի ոսկորին:
Անհրաժեշտ է իմանալ և հիշել, որ առողջությունն առաջին հերթին պրոֆիլակտիկան է: Իսկ պրոֆիլակտիկան իրենից ներկայացնում է ֆիզիկական ծանրաբեռնվածություն և առողջ կենսակերպ առօրյա կենսագործունեության ընթացքում:
Սպորտով անհրաժեշտ է զբաղվել հաճախակի, ցանկալի է ամեն օր: Անել առավոտյան մարմնամարզություն ամեն օր և հաճախել մարզասրահ: Ընդ որում, անհրաժեշտ է ընտրել ոչ թե թանկարժեք գլյամուր մարզասրահ՝ տարատեսակ սնդուսափայլ հավիկներով ողողված, այլ հասարակ, սովորական, նույնիսկ հին մարզասարքերով: Ցանկալի է, որ լինի լավ, փորձված մարզիչ, որպեսզի պարապմունքներն ավելի շատ վնաս չբերեն, քան օգուտ:
Սպորտին պետք է ավելացնել նաև առողջ սնունդը: Հրաժարվեք տարատեսակ կոլա-պեպսիյախառը գազավորված արտաթորանքներից, յուղոտ ֆասթ-ֆուդերից: Ձեր սննդակարգը պետք է լինի թեթև, սպիտակուցներով հարուստ: Շատ շուտով կզգաք թեթևություն որովայնի շրջանում:
2. Առողջություն (հոգեկան)
Այս դեպքում պետք է որոշակի քայլերի և որոշումների ամբողջություն, որոնք կատարելով կդառնաս հավասարակշռված, հանգիստ և ինքնավստահ անձնավորություն:
Սկզբից պետք է ձերբազատվել տարատեսակ սթրեսներից: Սթրեսն աղմուկի նման գտնվում է ականջներում և խանգարում թե մտածել, թե գործել, թե ստեղծել, թե երկնել, թե արարել:
Սթրեսի պատճառները շատ են, բայց ես կառանձնացնեմ երկու հիմնական պատճառ և կասեմ թե ինչպես է պետք վերացնել սթրեսածին պատճառները:

30 բացահայտում Mr. Freeman-ի կողմից 18+

1. 
   
   

Աբրահամ Լինքոլնի մոտիվացնող կենսագրությունը

Աբրահամ Լինքոլնի մոտիվացնող կենսագրությունը

• 1831 – համարվում է սնանկ, նրա ընկերությունը փակվում է
• 1832 – պարտություն է կրում իր նահանգի արտարադատության պալատի անդամների ընտրության ժամանակ
• 1834 – կրկին փակվում է նրա հիմնած ընկերությունը, սնանկ է համարվում
• 1835 – 1836 անձնական անհաջողությունների արդյունքում նյարդային ապրումներ է ունենում, երկար բուժվում է
• 1838 – հերթական ընտրությունների ժամանակ պարտություն է կրում
• 1843 – պարտություն է կրում ԱՄՆ Կոնգրեսի ընտրությունների ժամանակ
• 1846 – պարտություն է կրում ԱՄՆ Կոնգրեսի ընտրությունների ժամանակ/li>
• 1848 – պարտություն է կրում ԱՄՆ Կոնգրեսի ընտրությունների ժամանակ
• 1855 – պարտություն է կրում ԱՄՆ Սենատի ընտրությունների ժամանակ
• 1856 – պարտություն է կրում որպես ԱՄՆ վարչապետի պաշտոնի թեկնածու
• 1858 – պարտություն է կրում ԱՄՆ Սենատի ընտրությունների ժամանակ
• 1860 – ընտրվում է ԱՄՆ Նախագահ

Երբեք մի հանձնվեք և կհասնեք Ձեր նպատակին:

Մտորումներ վիրտուալ վայ-հայրենասերների մասին

Զորացրվելուց հետո շատ էի ցանկանում անդրադառնալ այս թեմային և խոսել վիրտուալ վայ-հայրենասերների մասին: Շնորհակալություն Միքայելին հիշեցնելու համար:
Սկսեմ նախ այն մարդկանցից, որոնք հպարտ են, որ հայրենասեր են: Հայրենասիրությամբ հպարտանալը, նույնն է ինչ, հպարտանալ նրանով, որ սիրում ես ծնողներիդ, սիրած աղջկան կամ երեխայիդ նորածին: Սերը հայրենիքի նկատմամբ քաղաքացու, կամ ինչու քաղաքացու, առհասարակ մարդու բնականոն կեցության մասն է կազմում ըստ իս:
Վերջերս հայկական իրականության մեջ հայրենասիրությունը դարձել է մասնագիտություն, այն էլ միայն վիրտուալ, ասել է թե, անիրական, սին, մտացածին իրականության մեջ: Կա նույնիսկ վիրտուալ հայրենասերների մի ամբողջ զորագունդ, ավելի շուտ բանակ, ովքեր պատրաստ են զոհաբերել իրենց վիրտուալ կյանքը հանուն հայրենիքի, ու ամեն օր դա անում են համակարգչի դիմաց նստած մեկ բաժակ սառը գարեջուր ըմպելով, ուղղակի վատն այն է, որ ամեն օր հայրենիքի համար մարտիրոսանալուց հետո, կարծես հրաշքով հարություն են առնում և շարունակում իրենց անվերջ պայքարը: Էհհ,ինչ ասեմ ՛՛Հերոսը մի անգամ է մեռնում, վախկոտը՝ հազար՛՛:

Լուրջ չեն մարդիկ տասնյոթ տարեկանում

Արթյուր Ռեմբո
1854—1891
Ֆրանսերենից թարգմանեց՝ Հախունց Տիգրան

1
Լուրջ չեն մարդիկ տասնյոթ տարեկանում,
Հունիսյան հաճելի երեկո լիմոնադի ուղեկցությամբ,
Աղմկոտ սրճարաններում լույսերն են առկայծում,
Իսկ Դուք դեռ զբոսնում եք այգում:

Ծառերը ծաղկել են և հաճելի են բուրում,
Օդն այպես փափուկ է, որ կոպերդ են փակվում,
Քաղաքից թեթև քամին է ներս մտնում
Գարեջրի և գինու բուրմունքով շուրջն օծում:

2
Նայում ես վեր և ինչ ես նկատում
Ծառի ճյուղից մի կտոր է կախված
Վրան ընկնող աստղ ասեղնագործված՝
Ամբողջովին սպիտակ, փոքր և նուրբ:

Խմիչքը թմրեցնել է շարունակում
Շամպայնի հյութը կարծես ուշքի չի բերում
Զառանցում ես, շուրքերդ համբույր են զգում
Որն անմիջապես ցնդում է, անհետանում…

Դաժան ճակատագրով հայտնի մարդիկ

Երբ նա դեռ մեկ տարին չէր բոլորել հայրը լքում է ընտանիքը:

Հինգ տարեկանից ապրում է շարժական տնակում, անընդհատ տեղափոխվում է մոր հետ քաղաքից քաղաք: Փոխում է ավելի քան տաս դպրոց:

Երբ սովորում էր չորրորդ դասարանում, նրան այնպես են ծեծում, որ անհրաժեշտ է լինում տասներկու բժիշկ, որպեսզի նրան ուշքի բերեն:

Տասնչորս տարեկանում հայտնվում է հիվանդանոցում գլխի ծանր վնասվածքով: Ականջից անընդհատ արյուն է հոսում, վերակենդանացման բաժնում հինգ օր պառկած է մնում:

Տասնվեց տարեկանում դպրոցից դուրս է մնում, մայրը ստիպում է աշխատել: Երազում է ռեպ կարդալ, սակայն ոչ-ոք ուշադրություն չի դարձնում:

Երբ նա տասնինը տարեկան էր,

Լիակատար հանգստության բանաձև 2

 

Լիակատար հանգստություն դժվար չէ վայելել: Անհրաժեշտ է լոկ սեղմել այս երեք կախարդական կոճակներն իրար ետևից:

1. Առաջին կոճակ
2. Երկրորդ կոճակ
3. Երրորդ կոճակ

Երաժշտության ձայնը կառավարեք ըստ ցանկության և ՎԱՅԵԼԵՔ:

Հ.Գ.Կատարյալ էյֆորիային հասնելու համար այս ամենին կարելի է ավելացնել նաև մի որևէ սիրելի խմիչք`թեյ,գինի,գարեջուր,վիսկի…

Հ.Գ.Գ Մի մոռացեք նաև կիսվել այս երջանկությամբ ՁԵՐ ընկերների հետ:

 

Սելֆի. Հիվանդություն թե ինքնասիրահարվածություն…

Սոցիալական ցանցերի օգտատերերի ամենասիրելի զբաղմունքը դարձել է ինքնանկարվելը կամ սելֆի անելը  : Իրականում դժվար բան չկա, վերցնում են ֆոտոխցիկը կամ առավել հաճախ հեռախոսը նկարվում են և նկարը տեղադրում են համացանցում: Եվ ահա… Հաշիվը գնաց՝ լայքեր, մեկնաբանություններ:

Ինձ մեկնաբանում են, ուստի ես գոյություն ունեմ, ես կամ: Ութ միլիարդանոց մոլորակի վրա ինձ նկատում են 3  կամ 10, կամ գուցե 50 մարդ…Կապ չունի թիվը (մաթեմատիկայի դաս չէ վերջիվերջո), կարևորն այն է, որ ինձ նկատում են …

Այսպիսի մտքեր են պտտվում սելֆիամոլների մտքերում, միաժամանակ նրանց սրտերը բաբախում են, աչքերը դառնում են զվարճալի, հոգին ճախրում է, պտտվում վիրտուալ երկնակամարում՝ վայելքների մեջ պարուրված: Մարդ կա ամեն օր համացանց է <<ներարկում>> 50 սելֆի ամեն անգամ՝ տարբեր անկյուններից, մարդ կա ինչ որ հանդիսավոր իրադարձությունների ժամանակ է այդ անում, մարդ էլ կա դա հիմարություն է համարում (ինչպես սույն գրառման հեղինակը):

Լավ բայց ինչու են մարդիկ այդքան սիրում նկարել իրենք իրենց? Քննարկենք առավել հավանական մի քանի պատճառ.

1. Յուրօրինակություն կամ օրիգինալություն արտահայտում

Ձեր լուսանկարին նայելով հետաքրքրված դիտողը կարող է մի շարք եզրակացություններ անել ձեր անհատականության մասին: Ձեր լուսանկարը ձեր իսկ մասին հայտարարություն է, ինչ որ որոշակի սոցիալական խմբի պատկանելիության, ընտանեկան դրության, նախասիրությունների արտահայտում:

2. Անվճար գովազդ

Մարդ վերաբերվում է ինքն իրեն, ինչպես գովազդային պաստառի: Լուսանկարը որևէ կերպար ստեղծելու գործիք է հանդիսանում տվյալ դեպքում՝ հաջողություն, ինքնավստահություն, բարեկեցություն: Որոշ մարդիկ օգտագործում են սելֆին սեփական կարիերայի առաջխաղացման նպատակով:

3. Ստեղծագործելու լայն հորիզոն

Սելֆիների դրական կողմն այն է, որ այստեղ ամեն ոք կարող է ազատորեն և համարձակորեն զարկ տալ երևակայությանը: Եթե մարդ ստեղծագործ և կրեատիվ է, ապա սելֆիների վրա կարող է պատկերել հետաքրքիր սյուժեով համեմված տեսարաններ: Իսկ հետևորդները ամեն անգամ անհամբերությամբ կսպասեն նորանոր արկածախնդիր սելֆիների:

4. Հաճույքի կարիք

Ի տարբերության վիրտուալ կյանքի, իրական կյանքում գովասանքի կամ հիացմունքի արժանալու համար պետք է որևէ արդյունքի հասնել ինչ որ բնագավառում: Իսկ վիրտուալ աշխարհը ծնում է խեղված և փչացած իրականություն, որտեղ ստեղծվում է պատրանք, թե մարդ ինչ-որ կարևոր մի բան է արել:

Հայտնի մարդկանց տարօրինակ մահվան դեպքեր…

10-րդ հորիզոնական

XVI դարի մեծագույն աստղագետ Տիխո Բրագեն, ում հետազոտությունները մեծապես օգնել են Իսահակ Նյուտոնին տիեզերական ձգողության օրենքը ստեղծելիս, անժամանակ հեռացել է կյանքից զուգարան չգնալու պատճառով:Այն ժամանակ մինչև ճաշկերույթի ավարտը սեղանը լքելը համարվում էր ծանր վիրավորանք տանտիրոջ նկատմամբ: Հաշվենկատ Բրագեն չի համարձակվում թույլտվություն հարցնել և դուրս գալ սեղանից: Նրա միզապարկը տրաքում է և, 11 օր տանջվելով, վերջինս հեռանում է կյանքից:

9-րդ հորիզոնական

XVI դարի ազդեցիկ պետական գործիչ և փիլիսոփա Ֆրենսիս Բեկոնը մահացել է հավի մսի մեջ ձյուն լցնելու արդյունքում( նրա մտքին փչել էր, թե մսի պահպանման համար կարելի է աղի փոխարեն օգտագործել ձյուն, և նա փորձել էր ստուգել իր տեսությունը ): Փորձի արդյունքում հավի միսն այդպես էլ չէր սառչել, սակայն սառչել էր ինքը՝ Բեկոնը

8-րդ հորիզոնական

XVII դարի կոմպոզիտոր, ֆրանսիայի արքայի պատվերով բազմաթիվ ստեղծագործությունների հեղինակ Ժան-Բատիստ Լյուլին, մահացել է իր գործին անչափ նվիրված լինելու արդյունքում: Մի անգամ փորձի ժամանակ նա այնքան էր նյարդայնացել, որ ձեռնափայտով գետնին հարվածելիս դիպել էր ոտքին և մահացել արյան վարակման արդյունքում: