Նեպտունի գիծ

Ձեռքի վրա եղած ամենամիստիկ և հանելուկային գիծը`Նեպտունի գիծը,ունի մի շարք այլ անվանումներ,ինչպիսիք են “Via Laskiva”,”թույի գիծ”,”ինտենսիվության գիծ”,”Կախվածության գիծ” և այլ մի շարք անուններ և էպիտետներ: Զարմանալի չէ,քանի որ դժվար է մեկ բառով նկարագրել այն,ինչ կանգնած է այս գծի նշանակության հետևում:
Այն ամենը,ինչ մենք կարող ենք ձեռ տալ,տեսնել և ֆիքսել տարբեր ուժերի,աշխարհների,էնրգիաների հետևանք է: Մենք արդեն տեսել ենք,թե ինչպես է տարբեր աշխարների փոխազդեցությունը արտահայտվում ձեռքչ վրա:Մասնավորապես Յուպիտերն ու Սատուրնը արտահայտում են կարգ ,կանոն և գիտակցում,մինչդեր Ուրանը և Նեպտունը կառավարում են խորը,ենթագիտակցական,գաղտնի և անբացահայտ գործոնները:
Մեր օրերում այս գիծը լավ արտահայտված է առաջին հերթին այն մարդկանց մոտ,ովքեր սիրում են սուր զգացողությունները,էքստրիմը: Այս գիծն ունեցողներ շատ հաճախ հանդիպում են էքստրեմալ-մարզիկների մոտ,ծանր ռոք սիրողների,ստանդարտից դուր արարքներ կատարող մարդկանց մոտ,կծու կամ աղի ճաշատեսակներ սիրողների մոտ,շատ քաղցր կամ պինդ թեյ սիրողների մոտ: Այս բոլոր մարդկանց մոր գերակայում է սուր զգացողությունների ցանկությունը: Հենց այս տիպի մարդիկ են մարտահրավեր նետում բոլոր ընդունված նախապաշարմունքներին և կարող են հորինել տարբեր տեսակ սեքսուալ և մարմնական հաճույքներ: Ոգեշնչման անհագ ցանկությունը որոշ մարդկանց դրդում է թմրեցնող նյութերի օգտագործմանը դիմել,մյուսներին դարձնում տղանդավոր պոետ կամ երաժիշտ: Բոլոր տեսակի մոլուցքների կառավարող հենց Նեպտունի գիծն է: Եթե այդ գիծն ունեցողները իր դաստիարակության սահմաններում չի կարող օգտագործել ալկոհոլ կամ այլ թրանյութեր,ապա կարող եք ուրիշ տեսակի մոլուցքների հակումներ փնրել այդ մարդու մոտ,օրինակ,համակարգչային խաղամոլություն: Ալկոհոլիզմի,խաղամոլության կամ թմրամոլության բնույթը ինքնին նույնական են,քանի որ այդ ամենի հիմքում ընկած էիրականությունից փախչելու և ուժեղ,սուր զգացողությունների փնտրումները…
Հոդվածն ամբողջությամբ կարող եք կարդալ այստեղ(ռուսերեն)

Վեներայի ճարմանդ

Վեներայի ճարմանդ

Իդեալական Վեներայի ճարմանդը սկսվում է ցուցամատի և միջնամատի միջև և ավարտվում է ճկույթի և մատնեմատի միջև: Մերկուրիի գծի նման Վեներայի ճարմանդը նույնպես շատ հազվադեպ կարելի է հանդիպել ամբողջական լավ արտահայտված տեսքով: Հիմնականում այն լինում է կղզյակներով կամ մասնակի:
Վեներայի ճարմանդը ցույց է տալիս սեքսուալ կամ կեսնական էներգիան զարգացման,արվեստի կամ ինքնաճանաչման փոխարկելու կարողությունը: Ահա թե ինչու այս գիծը շատ կարելի է հանդիպել նկարիչների ու երաժիշտների ձեռքրի վրա,որոնք նվիրում են իրենց արվեստը սիրո փառաբանմանը,մարդիկ,որոնք իրենց ներքին գեղեցկությունն են արտահայտում արվեստի միջոցով: Այս մարդիկ զարգացած երևակայություն ունեն,աներևակայելի զգայուն են,ռոմանտիկ և ինքնամփոփ:Նրանք միտ ձգտում են խույս տալ իրական աշխարհից և ընկղմվել ներքին`լեցուն աշխարհը:
Այս գծի նշանակությունը կարող է լինել տարբեր կախված ձեռքի տեսակից և այլ առանձնահատկություններից: Դիտարկենք մի քանի օրինակ:
Եթե Վեներայի ճարմանդը գտնվում է լավ զարգացած Կյանքի,Գլխի և Սրտի գծերով ձեռքի վրա,ապա այսպիսի մարդը ձգտում է հոգևոր զարգացմանը,զգում է իրեն շրջապատող աշխարհը,միշտ դրական էներգիայով է լցնում շուրջբոլորը:
Եթե Վեներայի ճարմանդն ավելի լավ է արտահայտված,քան Սրտի գիծը,ապա այսպիսի միացությունը վատ է անդրադառնում մարդու վրա: Մարդուն դժվար է կտրվել իր զգացմունքներից և երևակայություններից,նրա մոտ շատ շուտ փոփոխվում է տրամադրությունը,էմոցիոնալ առումով անկայուն է: Նա կորցրել է կապն իրականության հետ…
Պրիմիտիվ,պարզունակ և կոպիտ ձեռքի վրա Վեներայի ճարմանդն ավելի է ընդծում մարդու կոպիտ զգայունությունը,անհագ սեռական ախորժակը,գերգռգռվածությունը և այլն:
Ինչպես արդեն նշել էի,Վեներայի ճարմանդը շատ հաճախ կարելի է տեսնել մասնակի տեսքով: Այսպիսի նշանը ցույց է տալիս իր ներքին պոտենցիալը իրականացնելու անկարողությունը,որոշակի պասիվ գործունեությունը,աշխարհից կտրվելու ցանկությունը…

Մասնատված Վեներայի Ճարմանդ

 

Մերկուրիի գիծ

Մերկուրիի գիծը գրականության մեջ հանդիպում է մի շարք անուններով,ինչպիսիք են Ստամոքսի գիծ,Հեպատիկ գիծ,Առողջության կամ Բիզնեսի գիծ: Այս բազմաթիվ անուններից հետևում է,որ այս գիծն ունի մի շարք հետաքրքիր հատկություններ,որոնք կփորձենք ուսումնասիրել սույն գրառման մեջ:
Մերկուրիի գիծը կլանման,էներգիաների “ասիմիլյացիայի” գիծ է: Հենց այս գիծն է մեզ թույլ տալիս մարսել ինչպես թույլ հոգևոր գիտելիքները,ինչպես նաև ֆիզիկական սնունդը: Այն պատասխանատու է բարձրագույն մտավոր գործունեության համար,ահա թե ինչու ուշ է ձևավոևվում և շատ հազվադեպ է ամբողջական տեսքով հանդիպում պրակտիկայում: Այո,մեր ինֆորմացիոն հասարակության դարում դժվար է հանդիպել լավ արտահայտված Մերկուրիի գիծ: Սա ինֆորմացիայի գիծն է: “Ինֆորմացիա” բառը կազմված է երկու արմատից “Ին”-ներս,”ֆորմացիա”-կազմավորում,ձևավորում,իրականացում: Այս գիծը կազմավորվում և զարգանում է մտավոր մեխանիզմների զարգացմանը համընթաց: Մերկուրիի գիծը պետք է զարգացած լինի,օրինակ,լրագրողի մոտ,ով կարող է մշակել մեծ ծավալի նյութը և այն մատուցել կարճ տեսքով ընթերցեողին:
Մերկուրիի գիծը յուրահատուկ ֆիլտրի դեր է խաղում,այն թույլ է տալսի “թորել” ինֆորմացիան: Այս պատճառով այն նաև կոչվում է լյարդի գիծ,քանի որ լյարդի գործառույթը արյունը թունավոր տոքսիններից մաքրելն է: Այս գիծը կաված է նաև բիզնեսի և փողերի հետ: Թույլ առողջություն ունեցող մարդը չի կարող հաջողակ լինել բիզնեսի դաշտում:
Կյանքի գծին մոտ անցնող Մերկուրիի գիծը ցույց է տալիս,որ տվյալ անձի գիտելիքները կիրառական բնույթ ունեն,դա կարող է լինել,օրինակ,ծրագրավորման մասնագետ: Ինչքան ավելի գլոբալ են մարդու ունեցած գիտելիքները,այդքան ավելի ուղղահայց տեսք է ստանում Մերկուրիի գիծը:
Աղբյուր

Ապոլոնի գիծ.Երջանկության գիծ

Երջանկության գիծ

Ապոլոնի գիծը թերևս ամենադրական գծերից մեկն է: Այն ունի մի շարք անվանումներ,ինչպիսիք են `Ապոլոնի գիծ,Արևի գիծ,Երջանկության գիծ,Փառքի կամ Հայնտության գիծ և այլն: Այս գիծը մարդուն երջանկություն է բերում: Աշխարհը կարծես թե ժպտում է մարդուն,գործերը լավ են ընթանում:
Գիծը գտնվում է Ապոլոնի թումբի վրա`մատնեմատի տակ: Այս գիծն ունեցող մարդիկ ժպտերես  և կենսուրախ են միշտ: Հազվադեպ կարելի է տեսնել երկար և լավ արտահայտված Ապոլոնի գիծ,սովորաբար այն սկսվում է Սրտի գծից: Այս դեպքում երջանկությունը կգա 45ից հետո: Որոշ դեպքերում,այն կարող է սկսվել Ճակատագրի գծից և բարձրանալ վեր` դեպի Ապոլոնի թումբը: Այս դեպքում,մարդուն լիակատար երջանկություն և ներքին ինքնաբավարարվածություն է պատճառում աշխատանքը,կարիերան: Այն կետը,որտեղից սկիզբ է առնում Ապոլոնի գիծը,համարվում է առավել բարենպաստ տարի մարդու կյանքում:
ՍԱԿԱՅՆ,քանի որ երջանկության զգացողությունը խիստ սուբյեկտիվ բնույթ ունի,ապա Ապոլոնի գիծը միանշանակ բացատրություն չի կարող ունենալ,գիծը ուսումնասիրելիս պետք է հաշվի առնել նաև ուսումնասիրվող ձեռքի առանձնահատկությունները:
Գիծը ցույց է տալիս մեծամասամբ ինքնաարտահայտումը,հասարակության կողմից մարդու ընդունումն ու մարդուն գնահատումը: Բազմաթիվ հայտնի մարդկանց ձեռքերի վրա կարելի է տեսնել այս գիծը,սովորաբար այն լինում է հստակ և լավ արտահայտված ձեռքի մակերևույթի վրա: Համոզվելու համար առաջարկում եմ ուսումնասիրել քսաներորդ դարի մեծագույն պալմիստ Կեյրոյի ձեռքը և քսաներորդ դարի մեծագույն դերասանուհիներից մեկի `Սառա Բեռնարի ձեռքը:

Ճակատագրի գիծ.Տեսակներն ու նշանակությունը

Ճակատագրի գիծը կոչվում է նաև Սատուրնի գիծ: Այն ցույց է տալիս մարդու կյանքի ուղին նյութական հաջողության տեսանկյունից: Ցույց է տալիս,թե արդյոք մարդն ինքն է իր կյանքի տերը,կունենա արդյոք նա դժվար ժամանակներ,թե ամեն ինչ համեմատաբար հեշտ կտրվի նրան: Այս գծի վրա արտապատկերված են նաև մարդու կենսագործունեության առավել բեղուն տարիները: Երբ Սատուրնի գիծն ուժեղ է,ապա մարդու մոտ արտահայտվում են Սատուրնին բնորոշ գծերը`լրջությունը,խոհեմությունը,իմաստնությունը: Սակայն,Ճակատագրի գիծը երբեմն կարող է բացակայել: Այն մարդիկ,ում ձեռքերին բացակայում է Ճակատագրի գիծը “իրենք իրենց են ստեղծել” : Այսպիս մարդիկ պետք է հույսները միայն իրենց վրա դնեն,հաճելի պատահականություններ կամ «Ճակատագրի ընծաներ» սպասելը առնվազն անմտություն է նրանց կողմից:

Այսպիսի իրավիճակ ես նկատել եմ այն մարդկանց մոտ,ովքեր սկսել են համեստ դիրքերից և միայն ի շնորհիվ իրենց աշխատասիրության ու կամքի հասել են հաջողության կյանքում: Ճակատագրի գիծը որոշելիս միշտ պետք է հիշել մեկ կանոն.

“Որտեղից էլ սկսվի Ճակատագրի գիծը այն միշտ ուղղված է դեպի Սատուրնի թումբը`միջնամատի տակ”:

Նկ.1 Ճակատագրի գծի տեսակները

1.Ճակատագրի գիծը սկսվում է Լուսնի թումբի վրա

Կյանքի գիծ.Տեսակներն ու նշանակությունը.Մասն երկրորդ

Սկիզբն այստեղ..

Նշաններ Կյանքի Գծի վրա

Նկ. 2 Նշաններ Կյանքի Գծի վրա

1.Կետ Կյանքի Գծի վրա

Կյանքի Գծի վրա գտնվող կետը կարող է ունենալ կարմիր կամ մուգ գույն:Կարմիր կետը ցույց է տալիս վտանգ բնությունից,իսկ մուգ կետը խոսում է հիվանդության պատճառով առողջության հետ կապված խնդիրների մասին:

2.Կղզյակ Կյանքի Գծի վրա

Կղզյակը ցույց է տալիս թույլ առողջություն,ուժերի պակաս,հոգնածություն նշանի գործունեոթյան ժամանակահատվածում: Եթե Կյանքի Գիծն ունի շղթայի տեսք և կազմված է բազմաթիվ կղզյակներից,ապա մարդու առողջությունը թույլ է,շատ է հիվանդանում:

3.Եռանկյունի Կյանքի Գծի վրա

Վտանգ կյանքի համար`դժբախտ պատահարի հնարավորություն:Սակայն վերջնական եզրակացություն կատարելու համար անհրաժեշտ է հետազոտել նաև մյուս գծերն ու նշանները:

4.Խալ Կյանքի Գծի վրա

Կյանքի Գծի վրա գտնվող խալը ցույց է տալիս անբարենպաստ իրադարձություն,որն ունի Ճակատագրական բնույթ:Որպես կանոն,այդ իրադարձությունը կապված է վատ առողջության կամ նյութական կորուստների հետ:

5.Խաչ  Կյանքի Գծի վրա

Խաչը ցույց է տալիս վտանգ սրտի համար,հնարավոր է առողջության վատթարացում կապված սրտի հետ:Այս նշանը հայտնաբերելիս անհապաղ անհրաժեշտ է նաև հետազոտել Սրտի գիծը:

6.Աստղ Կյանքի Գծի վրա

Աստղը վկայում է շատ վառ իրադարձության  մասին:Հնարավոր է նաև բացասական իրադարձություն,քանի որ բացասական իրադարձությունններն ավելի լավ են հիշվում:

7.Շրջան Կյանքի Գծի վրա

Շրջանը ցույց է տալիս խնդիրներ աչքերի կամ մեջքի հետ:Դիմեք ակնաբուժին:

Կրկնակի Կյանքի Գիծ

Նկ. 3 Կրկնակի Կյանքի Գիծ

Քիչ դեպքերում կարող ենք տեսնել Կրկնակի Կյանքի Գիծ,ինչն ունի մի շարք նշանակություններ: Գրականության մեջ այդ գիծը հայտնի է նաև “Մարսի Գիծ”,”Պահապան-հրեշտակի Գիծ” անվանումներով: Հնդկական Պալմիստրիայում այս գիծը կոչվում է “Ծնողների Գիծ”:

Արդեն անվանումների բազմացանությունն ասում է այս գծի բազմաթիվ հատկությունների մասին:Կրկնակի Կյանքի Գիծ ունեցող մարդիկ կարծես թե ունեն ինչ-որ մի վերերկրային ուժ,որ միշտ պաշտպանում և պահպանում է զանազան վտանգներից ու պատահարներից:Մի քանի անգամ հանդիպել եմ այս գիծը ավտովթարից կենդանի մնացած մարդկանց մոտ:Նույնիսկ մի աղջիկ կենդանի էր մնացել,մինչդեռ նրա հետ նույն մեքենայում հայնտված երեք ընկերները տեղում մահացել էին:

Կրկնակի Կյանքի Գիծ ունեցող մարդիկ քիչ են հիվանդանում ընդհանրապես,սակայն շուտ են ապաքինվում,նույնիսկ եթե լինում են միջին կարգի վնասվածքներ:

Հոդվածի բնօրինակը(ռուսերեն):
Կիսվել

Կյանքի գիծ.Տեսակներն ու նշանակությունը.Մասն առաջին

Կյանքի Գիծը,թերևս, ձեռքի վրա գտնվող ամենահայտնի գիծն է:Անգամ Պալմիստրիայից ամենահեռու մարդը լսել է այդ անվանումը:Սակայն քչերը գիտեն,որ Հնդկական Պալմիստրիայում այն ասոցացվում է հոր հետ:Կյանքի Գիծը ձեռքի երեք հիմնական գծերից  մեկն է:Իդալական Կյանքի Գիծը լինում է խորը,երկար,հարթ,առանց խզումների,հատումների կամ այլ խախտումների:

Սակայն այդպիսի Կյանքի Գիծ ՇԱՏ հազվապետ եմ հանդիպել պրակտիկայում:Սովորաբար հանդիպում են տարբեր տիպի խախտումներ Կյանքի Գծի վրա`խզումներ,հատումներ,կղզյակներ:Այդ նշանների ամեն մեկն ունի իր բացատրությունը`սկսած առողջության հետ կապված խնդիրներից,մինչ արմատական փոփխություններ կյանքում:

Լայն տարածված ԹՅՈՒՐ կարծիք կա,թե Կյանքի Գծի երկարությունը կապված է  մարդկային կյանքի տևողության հետ: Այս կարծիքը  բավականին սխալ է,բայց ճշմարտության ինչ-որ բաժին կա դրա մեջ:Մարդու մահը նշանակալի իրադարձություն է,և այն արտապատկերվում է նաև մյուս կարևոր գծերի վրա որոշակի նշանների տեսքով:Այսինքն,իրադարձությունը կրկնօրինակվում է տարբեր նշանների տեսքով,ուստի դատելով միայն կարճ Կյանքի Գծով անհնար է կյանքի տևողության մասին հստակ երզրակացություններ անել:

Կյանքի Գծի տարատեսակները

Նկ. 1 Կյանքի Գծի տարատեսակները

1.Չծածկվող խզում

Մարդու կյանքի պայմանների կտրուկ փոփոխություն,որը կարող է մի շարք դրդապատճառներ ունենալ:Պարզաբանելու համար անհրաժեշտ է ուսումնասիրել մյուս գծերը:

2.Կարճ Կյանքի Գիծ

Հակառակ տարածված կարծիքի կարճ Կյանքի Գիծը չի նշանակում կարճ կյանք,այլ ցույց է տալիս թույլ առողջություն և կեսնական էներգիայի պակաս:Այսպիսի մարդիկ շուտ են հոգնում,չեն սիրում ֆիզիկական աշխատանքը:

3.Ծածկվող խզում

Այսպիսի խզումը վկայում է կյանքում գլխավոր փոփոխության մասին:

4.Ինքնահատվող Կյանքի Գիծ

Այսպիսի նշանը արտահայտում է առողջական խնդիրներ տվյալ տարիքում:Պարզելու համար խնդրի տեսակը անհրաժեշտ է հետազոտել մյուս նշանները:

5.Ուղիղ Գլխի Գիծ

Այսպիսի գիծը ցույց է տալիս մարդու,ով իր կյանքի մեծ մասն անց է կացնում ճանապարհորդելով`տանից հեռու:Նաև այս գիծը ցույց է տալիս շատ մեծ կենսական էներգիա,այս տիպի մարդիկ կարծես ընդհանրապես չեն հոգնում:

6.Կյանքի Գծի բաց խզում

Վտանգ է ներկայացնում կյանքի համար,պետք է հետազոտել մյուս նշանները հաստատելու համար:

Նաև շատ կարևոր է Կյանքի գծի սկիզբը.արդյոք այն միացած է Գլխի Գծի հետ,թե առաձին սկիզբ ունի: Դրա մասին կարող եք կարդալ այստեղ:

Կարդալ շարունակությունը`

Կյանքի գիծ.Տեսակներն ու նշանակությունը.Մասն երկրորդ
Կիսվել

Գլխի գիծ.Տեսակներն ու նշանակությունը.Մասն երկրորդ

Հոդվածի սկիզբը կարող եք կարդալ այստեղ:

Գլխի Գծի փոփոխությունները

Նկ.2 Գլխի Գծի փոփոխությունները

1.Վերընթաց խզում Գլխի Գծի վրա

Ցույց է տալիս առաջին հերթին արմատական փոփոխությունները մարդու աշխարհայացքի մեջ:Կրտուկ փոխվում է մարդու կողմից կյանքի ընկալումը,նորովի է գնահատում կյանքըի պարգևը: Ներքին զարգացումը դառնում է ավելի կարևոր քան առօրեական կենցաղային խնդիրները:Այսպիս խզում կարող է առաջանալ որոշակի սթրեսից հետո,երբ մարդ վերաիմաստավորում է իր անցած ուղին,և հետագայի համար նոր մոտեցումներ է մշակում:

2.Վարընթաց խզում Գլխի Գծի վրա

Փոփխություններ կենսակերպում,հայացքների մեջ:Ներքին զարգացումը դառնում է ավելի կարևոր քան առօրեական կենցաղային խնդիրները:

3.Խզում Գլխի Գծի վրա

Գլխի Գծի հասարակ խզումը նշանակում է գլխի ֆիզիկական վնասվածք:Սակայն տվյալ խզումը հայտնաբերելու դեպքում անհրաժեշտ է հետազոտել մյուս գծերը հաստատելու կամ ժխտելու համար նշանակությունը: Հատկապես կարևոր է տվյալ դեպքում Կյանքի Գծի հետզոտումը:

4.Կրկնակի Գլխի Գիծ

Կրկնակի Գլխի Գիծը խոսում է հիանալի մտածելակերպի մասին,խնդիրը բոլոր կողմերից տեսնելու կարողություն:Կարծես երկու տարբեր անհատականություններ են ապրում մի մարմնի մեջ:Այսպիսի ձեռք է ունեցել նաև մեծն Կեյրոն`քսաներորդ դարի ամենահայտնի պալմիստը:Նրա աջը կարող եք տեսնել այստեղ:

Նշաններ Գլխի Գծի վրա

Նկ.3 Նշաններ Գլխի Գծի վրա

1.Խաչ Գլխի Գծի վրա

Խաչը անբարենպաստ նշան է և ցույց է տալիս գլխի վնասվածք:Ուշադրություն դարձրեք թե որտեղ է գտնվում խաչը,որ թումբի տակ,Գլխի Գծի որ տեղամասում:

2.Կղզյակ Գլխի Գծի վրա

Կղզյակը ցույց է տալիս  կասկածանքների և փտրումների  ժամանակը,խնդիրներ անձնական կյանքում և աշխաըանքում:

3.Աստղ Գլխի Գծի վրա

Նշանակում է գլի վնասվածք:Այսպիսի նշանները միայնակ չեն “աշխատում,փնտրում ենք լրացուցիչ նշաններ հաստատելու/ժխտելու համար:

4.Եռանկյուն Գլխի Գծի վրա

Գիտական հաջողության նշան է:Բարենպաստ նշան է,ցույց է տալիս,որ մարդու գիտական գործունեությունը հաջողությամբ կպսակվի:

5.Քառակուսի Գլխի Գծի վրա

Քառակուսին պաշտպանիչ նշան է համարվում և պաշտպանում է մի շարք բացասական նշանների ազդեցությունից,ինչպիսիք են խաչը,աստղը կամ կետը:Եթե այս նշանները գտնվում են քառակուսի մեջ,ապա վտանգ չեն ներկայացնում:

6.Շրջան Գլխի Գծի վրա

Անբարենպաստ նշան է:Ցույց է տալիս հնարավոր   խնդիրներ տեսողության հետ:Կրկին անհրաժեշտ է հետազոտել մյուս գծերը:

Կիսվել

Գլխի գիծ.Տեսակներն ու նշանակությունը.Մասն առաջին

Սրտի Գծից քիչ ներքև գտնվում է Գլխի Գիծը,որը համարվում է գլխավոր գծերից մեկը Պալմիստրիայում:Անթիվ,անհամար փորձերն ու հետազոտությունները ցույց են տվել,որ այն արտապատկերում է մարդու բոլոր ինտելեկտուալ հատկանիշները`մտածելակերպը,մտքի կենտրոնացման ուժը,ինքնակառավարման կարողությունը:Գլխի Գիծը թույլ է տալիս պակտերացում կազմել թե ինչպես է մարդ մոտենում խնդրի լուծմանը,նրա հայացքները կյանքի և մարդու շուրջ:Գլխի Գիծը դիտարկվում է և ֆիզիկական,և հոգևոր առումով:Ֆիզիկական առումով այն պատասխանատու է գլխի,գլխուղեղի,նյարդային համակարգի համար: Հոգևոր առումով պատասխանատու է մտածողության,հիշողության,տրամաբանության համար:

Ինչպես Սրտի Գծի դեպքում,այդպես էլ Գլխի Գծի համար գոյություն ունեն երկու հիմնական տեսակ`կոր և ուղիղ:Ուղիղ Գլխի Գիծն արտահայտում է ստույգ,տրամաբանական մտածելակերպ,իսկ կոր գիծը`ինտուիտիվ,ստեղծագործական մոտեցում:

Գլխի Գծի տարատեսակները

Նկ.1 Գլխի Գծի տեսակները

1.Գլխի և Կյանքի Գծերը միացած չեն սկզբում

Ցույց է տալիս առողջ մոտեցում կյանքի հանդեպ:Որոշումներ կայացնելիս մարդը կարող է լսել ընկերների և ընտանիքի կարծիքը,սակայն նա ունի նաև սեփական մոտեցումը:

2.Գլխի և Կյանքի գծերը միացած են բավականին երկար ժամանակ

Շատ զգույշ մարդ է,ուշադիր է ընկերների հանդեպ,մեծապես սիրում և հարգում է ընտանիքի անդամների,ընտանեկան կապերը շատ կարևոր են նման մարդու համար:Ուշ է դառնում հասուն,ֆինանսական անկախություն ուշ է ձեռք բերում,ամեն ինչում լսում է ծնողներին,սովորաբար ունենում է պահպանողական հայացծներ:

3.Կոր Գլխի Գիծ

Ստեղծարար և յուրօրինակ մարդ:Հետևում է իր ուրույն ուղին,նորարար և ոչ ստանդարտ մտքեր է արտահայտում,լավ զարգացած են երևակայությունը և ֆանտազիան:Միշտ նոր,յուրօրինակ կարծիք ունի,չի սիրում ուղղամտությունը և տրամաբանությունը:

4.ՈՒղիղ Սրտի Գիծ

Ուղղամիտ,համառ և շատ տրամաբանական անձնավորություն:Ոչինչ հենց այնպես չի անում,մերկանտիլ,հաշվարկող,կրիտիկական,գործնական մոտեցում ունի:Կյանքում ամեն ինչ պարզ և տրամաբանական է տեսնում,չի սիրում ստեղծագործական խնդիրներ և օրիգինալություն:Կանխատեսելի է:Եթե ուղիղ Գլխի Գիծը ձգվում է ափի մի ծայրից մյուսը,ապա մարդ աշխարհը տեսնում է սև և սպիտակ գույներով,ուղղամտությունը կարծես կուրացրել է նրա աչքերը:

5.Գլխի և Կյանքի Գծերը միացած են սկզբում

Առողջ զգուշություն,ներքին ձայնը լսելու կարողություն:Կապն ընտանիքի հետ ուժեղ է,սակայն մարդը չի թողում,որ ընտանիքը պարտադրի իրեն ինչ որ միտք և հայացք:Ինքնուրույն մտածելու կարողություն ունի:

6.Կյանքի և Գլխի գծերի միջև հեռավորություն կա

Վճռականություն, քաջություն եւ համարձակություն:Միշտ գնում է իր ուրույն,հատուկ ուղղով:Ոչ մեկի չի լսում.ոչ ընտանիքը,ոչ ընկերները չեն կարող այսպիսի մարդուն հրամայել կամ ուղղորդել:Ամեն ինչ անում է իր ձևով,ինքնագլուխ է:Սիրում է արկածներ և ավատյուրաներ:

7.Գլխի Գիծն ավարտվում է Լուսնի թումբի վրա

Հրաշալի երևակայություն և ստեղծագործական կարողություն,մարդ ուղղակի սավառնում է երկնքում ,շատ երազկոտ,ստեղծագործական և խոցելի: Այս մարդիկ պետք է սովորեն կիրառել իրենց երեւակայությունը գործնականորեն :Ինքն իր մեջ փակվում է,հակված է ինքնասպանության:

8.Գլխի Գիծը ձգվում է դեպի Մերկուրիի թումբը

Մեծ առևտրային հմտություններ,իր ձեռնարկատիրական հմտությունների իրականացման համար ընդունակ է զոհաբերելու ամեն ինչ:Մտածողությունը ենթարկվում է ամեն ինչից նյութական բարիքներ քաղելու իղձին:Նյութական հաջողության նշան է:

Հոդվածի շարունակությունը`

Գլխի գիծ.Տեսակներն ու նշանակությունը.Մասն երկրորդ

Կիսվել

Իմաստության նշաններ.Զգայունության և կարեկցանքի զարգացում

Նկ.1 Իմաստության նշաններ

1.Աստղ Յուպիտերի թումբի վրա

Յուպիտերի թումբի վրա գտնվող աստղը մեծ հաջողության նշան է:Եթե ձեր հավակնությունները սահմանափակվում են հարստության և պաշտոնի ցանկությամբ,ապա դուք կհասնեք ձեր ուզածին:Եթե դուք զբաղված եք հոգևոր փնտրտուքներով,ապա աստղը ձեզ թույլ կտա տեսնել Ոգու լույսը,կբացի ձեզ մոտ “երրորդ աչքը”:Յուպիտերը խորհրդանշում է մարդուն բնորոշ միտքն ու ինքնագիտակցման մակարդակը:Յուպիտերի թմբի աստղը ցույց է տալիս,որ դուք կարող եք կազմակերպվել և հասնել ձեր առջև դրված ցանկացած նպատակի:Գիտակցաբար կենտրոնանալով ոգեղեն նպատակների վրա,դուք կհաղթահարեք բոլոր սահմանափակումները և կհասնեք գիտկացության բարձրագույն աստիճանին:

2.Խաչ Յուպիտերի թումբի վրա

Յուպիտերի թումբի վրա գտվող աստղը ասում է ձեր ուրույն ճանապարհը կյանքում գտնելու ներքին ցանկության մասին :Կա մի հին ասացվածք “Երբ պատրաստ է աշակերտը`գալիս է ուսուցիչը”: Ինքնագիտակցման ժամանակ ծնվող էներգիան կարող է գրավել դեպի ձեզ ընկերոջ,համակիրների,ոսուցչի,ով ի զորու կլինի ուղեկցել ձեզ և ցույց տալ ճիշտ ուղին:

Այս նշանը ցույց է տալիս մի մարդու,ով օժտված է հազվագյուտ ձգողականությամբ: Դուք շատ գրավիչ եք հակառակ սեռի ներկայացուցիչների համար:Սակայն դուք ձգտում եք կայուն,երկարատև հարաբերությունների :

3.Քառակուսի Յուպիտերի թումբի վրա

Յուպիտերի թումբի բրա գտնվող քառակուսին ցույց է տալիս համընդհանուր մտքերի հանդեպ ձեր հետաքրքրության մասին:Դուք կցանկանայիք հետազոտել ամբողջ աշխարհը մի ծայրից մյուսը,մտքով կտրել-անցնել այն միանգամից:Հնարավոր է,դուք կապեր հաստատեք այլ ազգություն ներկայացնող անձանց հետ:Քառակուսին ցույց է տալիս գիտակցության լայնացումը:Դուք կարող եք դառնալ համաշպարհային հռչակ վայելող լուսավորիչ և տարածել ձեր լույսը բոլոր մարդկանց:Դասական Պալմիստրիայում այս նշանն անվանում են ուսուցչի նշան:Յուպիտերի թումբի վրա գտնվող քառակուսին օժտում է մարդուն կրթելու,դաստիարակելու,լուսավորելու ձիրքով:Այս նշանն ունեցող մարդիկ ծնվել են մյուսների սովորեցնելու համար:

4.Սողոմոնի մատանի

Սողոմոնի իդեալական մատանին շրջափակում է Յուպիտերի թումբը: Եթե դուք ունեք այդ մատանին,ապա ձեզ հետաքրքրում են սոցիալական թեմաները,դուք այնքան խոհեմ եք,որ կարող եք մտորել այս աշխարհում մարդ կոչեցյալի խնդիրների մասին,դուք ձեզ կնվիրեք համայն բարօրության մասին հոգալուն: Մարդկային հոգեբանության ձեր ինտուիտիվ ընկալումը կօգնի ձեզ հասկանալ դիմացինին:Դուք ստեղծված եք հոգեբան լինելու,օգնելու մարդկանց գտնել իրենց ճիշտ ուղին,բացատրել մարդկանց ,թե որն է նրանց առաքելությունն այս կյանքում:

5.Ճշմարտության գիծ

Ճշմարտության գիծը ուղղահայաց գիծ է,որ անցնում է Սատուրնի թումբի վրայով և ցույց է տալիս ընկալունակ եք ուրիշի կարծիքի հանդեպ:Դուք կարող եք լսել ուրիշի կարծիքը և չեք նեղանում ձեզ ուղղված քննադատությունից:Դուք միշտ ամենի առաջ հարգում եք դիմացինին,ըմբռնումով եք մոտենումԴուք կարող եք տեսնել այն,ինչ թաքնված է զգայական օրգաններից և ինտուիտիվ ընկալում եք աշխարհի մետաֆիզիկական մակարդակը: Այս պատճառով “Ճշմարության գիծը”  հաճախ անվանում են “աստվածասիրության գիծ”:

6.Բժշկի գծեր

Իդեալական դեպքում բժշկի գծերը դրանք Մերկուրիի թումբի վրա տեղակայված երեք զուգահեռ գծեր են :Դրանք ցույց են տալիս,որ ձեզ մեծագույն բավականություն է պատճառում սատարել մարդկանց`ֆիզիկապես,թե հոգեպես.դուք շատ լավ կարողանում եք քաջալերել:Ահա թե ինչու են այս գծերը շատ հաճախ հանդիպում այն մարդկանց մոտ,ովքեր բժշկությամբ են զբաղվում:Դուք սովորաբար բնազդորեն զգում եք ինչ ասել  և ինչ անել մարդուն,նրա ցավերը մեղմելու ր նրան զվարճացնելու համար:

Հատված Սինգհարթա Բիրլայի “Ափը և Ճակատագիրը” գրքից

Կիսվել

Ամուսնության գիծ.Սիրո գիծ

Նկ.1 Ամուսնության գիծ

Ամուսնության գիծն արտահայտում է հարաբերությունները,ինչպես նաև ուժեղ զգացմունքներն ու էմոցիաները,տառապանքը ինչ-որ մարդու համար:Երևույթ,որ մեծ ազդեցություն է ունեցել մարդու ներքին կյանքի վրա:Ամուսնության գիծն անվանում են նաև հարաբերությունների,կապի կամ սիրո գիծ:

Ամուսնության գծի խորության և երկարությունն ուսումնասիրելով կարող ենք պատկերացում կազմել հարաբերությունների երկարության և կարևորության մասին:Այս գծերը նաև թույլ են տալիս իմանալ լիբիդոյի քանակը մարդու մոտ:Գծի ավարտը կարող է հուշել հարաբերությունների ավարտի հնարավոր պատճառի մասին: Այս գծերը հիմնականում արտահայտում են ոչ այնքան հարաբերությունները,որքան մարդու հակառակ սեռի հետ փոխհարաբերության համակարգը:

Ամուսնության գիծը պետք է դիտարկել  `Կյանքի ,Գլխի,Սրտի,Ճակատագրի գծերի հետ համատեղ:

Ամուսնանալու տարիքը

Նկ.2 Սիրո Գիծ

Ամուսնանալու տարիքն իմանալու ամենահեշտ մեթոդը հետևյալն է. Մերկուրիի թումբի`Սրտի Գծի և Ճկույթի միջև եղած հեռավորության միջնամասը վերցնել որպես 22 տարի:Հիշեցնեմ,որ ժամանակը հաշվվում է Սրտի Գծից մինչև Ճկույթը (Նկ.2):

Վերին սահմանը կստանանք 44 տարի,որից հետո ժամանակը հոսում է ներքև մինչ 88 տարի:Այս մեթոդը բավականին ճշգրիտ է հատկապես մինչ 30 տարեկան մարդկանց համար,քանի որ այդ տարիքից հետո տվյալ հատվածը սեղվմում է և ,գծերը կորցնում են իրենց  արժեքը:

Ամուսնության գծի տարատեսակները

Նկ.3 Ամուսնության գծի տարատեսակները

Ամուսնության գիծը կարող է տարբեր ձևեր ընդունել:Նկ.3 ա-ում պատկերված է վեր բարձրացող գիծ,ինչը վկայում է ամուսնության մեջ մտնելու անհնարինության մասին:Այն հանդիպում է այրիների,կամ այն մարդկանց մոտ,ովքեր նպատակադրված խուսափում են ամուսնության մեջ մտնել:

Եթե օրինակ,գիծն,ընդհակառակը,իջնում է ներքև, ինչպես Նկ.3 գ-ում,ապա պետք է ուշադրություն դարձնել մյուս նշաններին ձեռքի վրա,քանի որ տվյալ նշանը վկայում է այն մասին,որ տվյալ մարդը կապրի ավելի երկար քան իր երկրորդ կեսը:

Ճյուղավորումով ավարտվող Ամուսնության գիծը,որը պատկերված է Նկ.3 բ-ում,նշանակում է բաժանում կամ ապահարզան,հարաբերություններն ավարտվում են նշանն ունեցողի պատճառով:Շատ տարածված նշան է: Երբ մարդ հասկանում է իր սխալը և ձգտում պահպանել հարաբերությունները,ապա այս նշանը կարող է վերանալ:

Նշաններ Ամուսնության գծի վրա

Նկ. 4 Նշաններ Ամուսնության գծի վրա

Ամուսնություն գծի վրա կարող են լինել տարբեր նշաններ`կղզյակ,խաչ,աստղ կամ կետ:Նրանցից ամեն մեկը վերաբերվում է այն հարաբերություններին,որի վրա գտնվում է:

Խաչը(դ) ցույց է տալիս լուրջ խոչընդոտներ սիրո մեջ:Խոչընդոտներ,որոնց հետ մարդ բախվում է հարաբերությունների մեջ:

Աստղը(գ) ցույց է տալիս,որ սերն օգտագործվում է շահադիտական նպատակներով:Այսպիսի սերն անկեղծ չէ,այլ լոկ քողարկման միջոց է:

Կղզյակը(բ) ցույց է տալիս դժբախտ կապվածություն,դժվար հարաբերություններ,մշտական խնդիրներ և տարաձայնություններ:

Կետը(ա) ցույց է տալիս այրիություն:Այս դեպքում այրիություն պատահական իրադարձություն է,ի տարբերություն Նկ.3 ա նշանի:

Հոդվածի բնօրինակը կարող եք կարդալ այստեղ(ռուսերեն):

Հ.Գ. Վերջում նշեմ,որ վերը նկարագրված նշանները Դասական Պալմիստրիային են պատկանում ,և որոշ դեպքերում տվյալ նշանները կարող են “Չաշխատել”:

Կիսվել

Սրտի Գիծ…Ուղիղ, թե ՞ կոր.Մասն երրորդ

Սկիզբը կարող եք կարդալ այստեղ և այստեղ:

Նկ. 4 Ուղիղ Սրտի Գծի սկիզբը

Այս հոդվածում կխոսենք ուղիղ Սրտի գծի տարատեսակների մասին:Սովորաբար ուղիղ Սրտի Գիծը պետք է սկսվի միջնամատի և ցուցամատի միջև:Սակայն եթե այն վերջանում է միջնամատի տակ,ապա այն համարվում է կարճ:Այսպիսի Սրտի Գիծը խոսում է բարձր սեքսուալության մասին,հատկապես եթե ձեռքը մեծ և կոպիտ է:Այս դեպքում մարդու բոլոր մտքերն ուղղված են դեպի սեքսը:Այսպիսի Սրտի Գիծ հանդիպում է այն տղամարդկանց մոտ,որոնք մեծ հետաքրքրություն են ցուցաբերում դեպի ինտիմ կյանքը(Նկ.4 ա):

Վիճակը միանգամայն այլ է,երբ Սրտի Գիծը սկսվում է Յուպիտերի թումբից:Այսպիսի մարդիկ ունեն հիանալի ներքին հատկանիշներ,վեհանձն և բարի են,օգնող և  կարեկցող:Այսպիսի մարդիկ հումանիստ են,սիրում են ոչ միայն իրենց բարեկամներին,այլ մյուս բոլոր մարդկանց,ընդհանրապես մարդկությունը(Նկ.4 բ):

ՈՒղիղ և երկար Սրտի Գիծ ունեցող մարդիկ նվիրում են իրենց սերը բոլորին:Այսպիսի Սրտի Գիծ ունեցող մարդիկ սիրում են օգնել մարդկանց,դառնում են բազմաթիվ հասարակական կազմակերպությունների անդամներ`սատար կանգնելու համար անօգնական մարդկանց :Շատ եմ տեսել այդպիսի ձեռքեր եկեղեցու սպասավորների և կամավորների մոտ,որոնց գործունեությունը հիմնականում կայանում է խոցելի խմբում գտնվող անձնանց օգնություն ցուցաբերելը`ծերեր,հաշմանդամներ,երեխաներ:

Մինչ այժմ մենք դիտարկել ենք համեմատաբար պարզ տեսքի Սրտի Գծի տարատեսակներ:Սակայն պատահում է,երբ Սրտի Գիծն ունի մեկից ավելի ճյուղավորումներ սկզբում,ինչը բնութագրում  է ավելի բարդ հոգեբանական կառուցվածք ունեցող մարդկանց(Նկ.5 ա):

Նկ. 5 Ճյուղավորված Սրտի Գիծ

Այս դեպքում միավորվում են ակտիվ ռոմանտիկ բնույթը,ինչը բնորոշ է կոր Սրտի Գիծ ունեցող մարդկանց,և ինքնամփոփ, զգացմունքային ներաշխարհը,ինչը բնորոշ է ուղիղ Սրտի Գիծ ունեցողներին:Այսպիսի մարդիկ հազվադեպ են բաժանվում,նրանց հոգևոր բազմազանությունը հարստացնում է ընտանեկան,համատեղ կյանքը:Նրանք ամեն անգամ ինչ որ նոր բան են բացահայտում միմյանց մեջ,ինչը նպաստում է ամուր ընտանեկան կապերին:Ուրախ է այն կինը կամ տղամարդը,ում բախտ է վիճակվել կապել կյանքը ճյուղավորված Սրտի Գիծ ունեցող մարդու հետ:

Երբեմն մի ճյուղը կարող է իջնել և հատկվել Կյանքի Գծի հետ(Նկ.5 բ):Այս նշանն ունի երկու բացատրություն:Առաջին հերթին դա նշանակում է խոցելիություն:Այսպիսի Սրտի Գիծ ունեցող հասուն մարդը առնվազն մեկ անգամ տառապել է սիրո պատճառով`անպատասխան սեր կամ սիրեցյալի դավաճանություն,կամ ավելի ողբերգական իրադարձություն:Սակայն այսպիսի մարդիկ տառապանքներ տեսնելուց հետո,նա երկար կմտածի ինչ-որ մեկին ցավ պատճառելուց առաջ:

Հատված Էնդրյու Ֆիտցհերբերտի «Պալմիստրիա» գրքից

Կարդացեք նաև`

Սրտի Գիծ…Ուղիղ, թե ՞ կոր.Մասն առաջին

Սրտի Գիծ…Ուղիղ, թե ՞ կոր.Մասն երկրորդ

Կիսվել

Սրտի Գիծ…Ուղիղ, թե ՞ կոր.Մասն երկրորդ

Սկիզբը կարող եք կարդալ այստեղ:

Կոր Սրտի Գիծ ունեցող մարդկանց համար սիրո ֆիզիկական կողմն ավելի կարևոր է,քան ուղիղ Սրտի Գիծ ունեցող մարդկանց համար:Դա չի նշանակում,որ ուղիղ Սրտի Գիծ ունեցող մարդիկ ֆիզկական մերձեցման կարիք չունեն,ուղղակի նրանց համար դա առաջնային կարևորություն չունի:

Նկ.2 Կոր Սրտի Գծի տարատեսակները

Այժմ դիտարկենք ուղիղ և կոր Սրտի Գծի տարատեսակները:Սկսենք կոր Սրտի գծից:Այստեղ պետք է հիշել մեկ կանոն.

Ինչքան ավելի կտրուկ է Սրտի Գծի կորությունը,այնքան ավելի դրամատիկ է մարդու բնավորությունը:

Սովորական կորություն ունեցող Սրտի Գիծը Նկ.2 ա-ում եղած տեսքն ունի,իսկ եթե դուք տեսնում եք ինչ-որ մեկի ձեռքի վրա Նկ.2 բ-ում եղած կտրուկ կորություն ունեցող Սրտի Գիծ,ապա այդ մարդը շատ զգացմունքային և սեքսուալ առումով դյուրագրգիռ է:Այսպիսի մարդիկ զուգընկեր ընտրելուց առաջին հերթին ուշադրություն են դարձնում սեքսուալությանը,արտաքին գեղեցկությանը,գրավչությանը և փայլին:Նրանք շատ շուտ են նյարդայնանում,փոփոխական բնավորություն ունեն,որը շատ դեպքերում կախված է արտաքին գործոններից`եղանակ,շրջապատ,տեղանք:

Նկ.3 Կոր Սրտի Գծի սկիզբը

Սովորանար Սրտի Գիծը սկսվում է միջնամատի և ցուցամատի միջև:Շատ հազվապետ է պատահում ,երբ այն սկսվում է միջնամատի տակից:Այդ դեպքը պատկերված է Նկ. 3 ա-ում:Այսպիսի մարդու կյանքում գերակայում է ֆիզիկական բավարարվածություն ստանալու անհրաժեշտությունը:Նրանց համար սերը հիմնականում կայանում է ինտիմ հարաբերությունների մեջ:

Ավելի հաճախ Սրտի Գիծը սկսվում է Յուպիտերի թումբի վրա ինչպես պատկերված է Նկ.3 բ-ում:Այս տիպի Սրտի Գիծ ունեցող մարդիկ շատ հետաքրքիր են:Ի շնորհիվ Սրտի Գծի կորության նրանq զգացմունքային են,սակայն իդեալիստ են և բծախնդիր զուգընկերոջ ընտրության հարցում:Այսպիսի մարդիկ շատ ուշադիր են ընտրում ընկերներին:Այպիսի կինը կարող է սառնասրտորեն մերժել տասնյակ համակրողների,և սպասել այն մեկին,ով համապատասխանում է իր նախընտրած բոլոր չափանիշներին:Այսպիսի մարդիկ նաև հակված են իդեալականացնել իրենց ընկերներին և մոտ մարդկանց:Ընկերները միշտ թվում են ավելի լավը,քան իրականում կան: Նրանք շատ են հիասթափվում,երբ պարզում են,որ իրենց ընկերները լոկ միայն հասարակ մահկանացուներ են և չեն արդարացնում նրանց հույսերն և սպասելիքները:

Այսպիսի մարդիկ ուշ են ամուսնանում,քանզի միշտ փնտրում են կատարելություն զուգընկերոջ մեջ:

Հատված Էնդրյու Ֆիտցհերբերտի «Պալմիստրիա» գրքից

Կարդացեք նաև`

Սրտի Գիծ…Ուղիղ, թե ՞ կոր.Մասն առաջին

Սրտի Գիծ…Ուղիղ, թե ՞ կոր.Մասն երրորդ

Կիսվել

Սրտի Գիծ…Ուղիղ, թե ՞ կոր.Մասն առաջին

Սրտի Գիծը կոչվում է այդպես,քանի որ բազմաթիվ հետազոտությունների արդյունքում պարզվել է, որ այն ցույց է տալիս տվյալ օրգանի գործունեությունը: Այն շատ կարևոր գիծ է,քանի որ կապված է կյանքի ապահովման կարևորագույն օրգանի հետ,որն իր հերթին ապահովում է արյան շրջանառությունը մարմնում,ինչն առավել ուժեղ ազդում է առողջության և բնավորության վրա:

Սրտի Գիծը հազվադեպ է բացակայում ափի վրա:Սակայն եթե այն բացակայում է,ապա դա խոսում է այն մասին,որ մարդու մոտ բացակայում է կարեկցանքը և սերը:Նա սառն է,անզգամ,ձգտում է անձնական հաջողության ի վնաս մյուսների:

Սրտի Գծի ուսումնասիրությունը հատկապես կարևոր է տղամարդ և կին հարաբերությունների համատեքստում: Սիրո և սեքսի բազմաթիվ հարցեր թաքնված են հենց Սրտի գծի մեջ: Հետաքրքիր է այն,որ Հնդկական Պալմիստրիայում Սրտի Գիծն անվանում են Կյանքի գիծ,քանի որ,ըստ իս,Հնդիկները չեն պատկերացնում իրենց կյանքը առանց սիրո: Չմոռանանք նաև որ հենց այդ երկրում է գրվել մեծագույն գիրքը սիրո մասին `Կամասուտրան:

Այս հոդվածում կուսումնասիրենք Սրտի Գծի և մարդու սիրո ընկալման կապը:

Նկ.1 Սրտի Գիծ

Գոյություն ունի Սրտի Գծի երկու հիմնական տեսակ ,որոնից ամեն մեկն ունի իր տարատեսակները: Սրտի գծի հիմնական տեսակները պատկերված են Նկ.1 ում: Նկ.1 ա-ում տեսնում ենք կոր գիծ,որը բնութագրում է զգացմունքային,էմոցիոնալ մոտեցում դեպի սերը: Իսկ բ-ում պատկերված է ուղիղ Սրտի Գիծը, որը բնութագրում է գաղտնի և քողարկված մոտեցում:

Դիտարկենք ուղիղ և կոր սրտի գիծ ունեցող երկու սիրահարված երիտասարդների վարքը:  Դիցուք, Արմանն ունի կոր սրտի գիծ,իսկ Գոռն`ուղիղ:

Արմանը ուրախ-ուրախ զբոսնում է ամբողջ օրը,ուրախանում,վայելում կյանքի ամեն մի վայրկայնը,մի քանի անգամ զանգահարում ընկերուհուն ամեն օր առանց որևէ պատճառի:Երբ նրանք միասին են,Արմանը կամ բռնում է ընկերուհու ձեռքը միշտ,զգում նրա շունչը և նրբագեղությունը:Նա պատմում է բոլոր ծանոթներին իր երջանկության մասին…

Գոռին նայելով միանգամից չես կռահի, որ նրա մոտ ինչ-որ արմատական փոփոխություններ են տեղի ունեցել:Նա սովորականի նման տեսք ունի,ուղղակի մի քիչ ցրված է:Նրա մտքերը այլևս զբաղված չեն աշխատանքով:Գոռը պարզել է իր ընկերուհու հետաքրքրությունները` ինչ երաժշտություն է լսում,ինչ կերակուրներ է սիրում:Հիմա նա պլաններ է կառուցում,թե որտեղ պետք է անցկացնի մոտակա կիրակին ընկերուհու հետ:

Այժմ մի պահ պատկերացնենք,թե ինչպես կդրսևորեն իրենց մեր հերոսները,եթե մի օր բաժանվեն իրենց սիրեցյալներից:

Կոր Սրտի Գիծ ունեցող Արմանը շատ ուժեղ կհիաստափվի:Հուզմունքից նա կարող է անգամ ջադուփշուր անել մեքենան,կամ անցորդներին վնասելով ազատություն տալ իր բարկությանը:Մի քանի շաբաթ անց Արմանը կվերգտնի ինքն իրեն և գուցե ուրիշ ընկերուհի գնտի իր համար:

Գոռը նույպես Արմանից  պակաս չէր վրդովվի,սակայն նրա վրդովմունքը այլ կերպ կարտահայտվեր:Ամենայն հավանականությամբ,նրան կհամակեր մռայլ,տխրադեմ տրամադրությունը:Նա չէր կարողանա քնել գիշերները,մահճակալում պառկած կհիշեր չստացված սիրավեպը:Մեկ տարի անց անգամ նա չէր մոռանա իր նախկին ընկերուհուն:

Ինչևէ,ամփոփենք:

Վառ արտահայտված կոր Սրտի Գիծ ունեցող մարդիկ`

1.Համարձակորեն սկսում են նոր հարաբերություններ:

2.Կապվածություն,ջերմություն,սեր և սեքս են փնտրում:

3.Պարզ ցուցադրում են իրենց զգացմունքները:

4.Լիդերի դեր են սիրում խաղալ ինտիմ կյանքում:

Վառ արտահայտված ուղիղ Սրտի Գիծ ունեցող մարդիկ`

1.Կարծում են,որ հարաբերությունները պետք է իրենք զարգանան:

2.Համատեղելիություն,կապվածություն, փոխըմբռնում են փնտրում:

3.Ողջամիտ են,խուսափում են իրենց զգացմունքները ցույց տալ:

4.Նախընտրում են կիսել պարտականություններն ավելի,քան լիդեր լինել:

Հատված Էնդրյու Ֆիտցհերբերտի «Պալմիստրիա» գրքից

Կարդացեք նաև`

Սրտի Գիծ…Ուղիղ, թե ՞ կոր.Մասն երկրորդ

Սրտի Գիծ…Ուղիղ, թե ՞ կոր.Մասն երրորդ

Կիսվել

Գծեր.Դրանց դասակարգումն ու նշանակությունը

Հիմնական գծերը

1. Կյանքի գիծ
2. Գլխի գիծ
3. Սրտի գիծ
4. Ճակատագրի գիծ
5. Արևի(Ապոլոնի) գիծ
6. Մերկուրիի(Առողջության) գիծ
7. Վեներայի ճարմանդ

Համառոտ ներկայացնեմ գծերը:

1.Կյանքի գիծ

Այս գիծը ցույց է տալիս մարդու կենսական էներգիայի չափը:Ֆիզիկական էներգիայի ցուցանիշն է:

2.Գլխի գիծ

Այս գիծը ցույց է տալիս մարդու մտածելակերպը,մտածելու կարողությունը`ինտուիտիվ թե ռացիոնալ է մտածում մարդը:Մտավոր պոտենցիալի ցուցանիշն է:

3.Սրտի գիծ

Այս գիծը ցույց է տալիս մարդու էմոցիոնալ ներաշխարհը,սիրելու կարողությունը`ինքնամփոփ թե շփվող է մարդը: Սրտային հուզումների ցուցանիշն է:

4.Ճակատագրի գիծ

Այս գիծը ցույց է տալիս հասարակության ազդեցությունը մարդու վրա,նրա կարիերայի ցուցանիշն է: Կարող է բացակայել ձեռքի վրա:

5.Արևի(Ապոլոնի) գիծ

Այս գիծը ցույց է տալիս հաջողություն,փառք և երջանկություն:Մարդու ինքնաարտահայտման ցուցանիշն է: Կարող է բացակայել ձեռքի վրա:

6.Մերկուրիի(Առողջության) գիծ

Այս գիծը ցույց է տալիս առողջությունը:Ինֆորմացիոն հոսքը կլանելու և վերլուծելու կարողությունը:Կարող է բացակայել ձեռքի վրա:

7.Վեներայի ճարմանդ

Այս գիծը լինում է չափազանց էմոցիոնալ,դյուրագրգիռ մարդկանց մոտ:Նրանք շատ ռոմանտիկ են, և ունեն աշխարհի իրենց ուրույն ընկալումը: Կարող է բացակայել ձեռքի վրա:

Գծերի և դրանց նշանակության մասին առավել մանրամասն կխոսեմ հաջորդ հոդվածներում: